Projekt-rezoluta e PD-së për çmimet, Balla: Koha e politikave të sheshta ka mbaruar, keni ardhur me një paketë që i varfri dhe i pasuri ta përballojnë njëlloj

24 Mars 2022, 15:16 | Përditesimi: 24 Mars 2022, 15:16

Deputeti i Partisë Socialiste Taulant Balla tha se projektrezoluta e PD-së për qeverinë për rritjen e  çmimeve, është një paketë e politikave të sheshta, por sipas Ballës ka ikur kjo kohë.

‘Sa i përket ndihmës ekonomike. Ju nuk e keni pasur mendjen, por buxheti është shumë më i mirë se ajo që keni propozuar ju. Kemi rritur ndihmën ekonomike. Kemi rritur 3 herë skemën e ndihmës ekonomike. Gjatë pandemisë paketa e solidaritetit përfshiu mbështetjen duke e dyfishuar. Qeveria paguan sot 80% të faturës së energjisë. S’ka qeveri sot në Evropë që të subvencionojë 80% të energjisë për familjet. Kompensimi me 30 mijë lekë, që disa prej jush u tallën ndihmon qytetarët mos të ndjejnë rritjen e çmimeve. Ju keni ardhur këtu me një paketë e politikave të sheshta, por kësaj i ka ikur koha. Keni ardhur këtu me një paketë që duhet ta përballojnë si të pasurit si të varfërit njësoj.’- tha Balla.

Sh.Sh/Shqiptarja.com