Tirana dhe Prishtina u bënë 'një', për të përcjellë revoltën e britmës së një vogëlusheje që nuk u dëgjua për 7 orë rresht teksa përjetonte traumën më të madhe të jetës së saj, jo nga një, por nga 5 abuzues. E mitura 11-vjeçare mblodhi në sheshin ‘Nënë Tereza’ ashtu siç ishte paralajmëruar, aktivistë, mjekë, njerëz të ekranit, këngëtarë, gazetarë por edhe bashkëmoshatarë të saj, të cilat ende pa kapërcyer disa stade të jetës, ndjejnë frikë.