Protesta vazhdon, i ftuar Olgert Rakipllari

8 Janar, 16:03

TIRANË- Në emisionin e sotëm të “5 pyetje nga Babaramo”, i ftuar në studio ka qënë student i Universitetit të Arteve për Komunikim dhe Dizajn, Olgert Rakipllari.

I pyetur nga gazetari Ilir Babaramo, studenti ka folur lidhur me arsyen e nisjes së protestës, shkarkimin e ministres së Arsimit Lindita Nikolla nga kryeministri Edi Rama dhe vijimsinë e protestës.

Gjatë fjalës së tij në studio, Olgert Rakipllari u shpreh se studentët nuk kërkuan as shkarkimin e Nikollës dhe as rrëzimin e kryeministrit Rama por vetëm plotësimin e kërkesave të tyre për një arsim më të mirë.

Ne donim plotësimin e pikave tona. Nuk e kërkuam as dorëheqjen e ministres Lindita Nikolla, as rrëzimin e kryeministrit Rama.

Olgert Rakipllari, student

Ndër të tjera ai ka shtuar se protesta e studentëve do të vijojë deri në plotësimin e të gjithë kërkesave të tyre duke u bërë thirrje për t’ju bashkuar protestës edhe studentëve të rretheve.

Ditën e sotme studentët kanë rinisur protestën e tyre pas tri javë nga ndërprerja për festën e Krishtlindjes dhe Vitit të ri, edhe pse qeveria në datë 30 dhjetor miratoi "Paktin për Universitetin" duke plotësuar një pjesë të mirë të kërkesave të studenteve.

Programe të tjera

Shiko të gjitha