PS-PD bien dakord: Çmimet nisën të rriten që në shtator! Agalliu: Masat e qeverisë të vonuara! Resulaj: Jemi në kohë, s'ka kohë për panik

13 Mars 2022, 16:06 | Përditesimi: 13 Mars 2022, 16:06

Rritja e çmimit të produkteve të shportës nuk ka nisur pas fillimit të sulmit rus ndaj Ukrainës, por që në muajin shtator. Këtë e pohojnë anëtarët e komisionit të ekonomisë, socialistja Pranvera Resulaj dhe. demokrati Arbi Agalliu. Deputetja Pranvera Resulaj u shpreh se vendimi për kontrollin e çmimit të karburantit është marrë në kohën e duhur, ndërsa Arbi Agalliu e quan një vendim të vonuar, por të duhur.  Agalliu u shpreh se me ndryshimin e çmimit të naftës, rritja e çmimeve të produkteve të tjera është e natyrshme. Nga ana tjetër Resulaj kërkon mirëkuptim mes palëve dhe premton se qeveria do të jetë krah qytetarit. Vetë konsumatorët shqiptarë u shprehën se çmimet janë të papërballueshme dhe se do të vijojnë me protesta deri sa të ketë situate të normalizuar.

"Nuk i përballojmë dot, çmimet janë të shtrenjta".

r.k./Shqiptarja.com