Rama: Po diskutojmë me SHBA-të për një Akademi rajonale ushtarake në Tiranë

16 Shkurt 2022, 11:57 | Përditesimi: 16 Shkurt 2022, 11:57

Gjatë konferencës për shtyp me gazetarët shqiptarë që e kanë shoqëruar në vizitën e tij në Uashington, kryeministri Rama është shprehur se me SHBA është duke u diskutuar edhe për ngritjen e një akademie ushtarake rajonale në Tiranë.

"Me SHBA-të kemi 2 korsi bashkëpunimi, me të cilat ka një dakordësi të madhe në krahasim me vite më parë, korsi e mbrojtjes dhe ajo ekonomike. Jemi duke bashkëpunuar dhe kemi folur për ngritjen e akademisë rajonale të mbrojtjes në Tiranës mbi bazën e akademisë tonë ushtarake. Defender 21 do të përsëritet. Do të vijojë bashkëpunimi në fushën e mbrojtjes. Korsia tjetër është ajo ekonomike. Ka një interes të shtuar nga ana e palës amerikane për të rritur prezencën ekonomike në Shqipëri. Këto kompani aktuale janë dallëndyshet e para", tha Rama.

  •  

r.k./Shqiptarja.com