Reforma territoriale, eksperti Hoti: Ndryshimet e 2015-s sollën pavarësi financiare dhe efektshmëri në thithjen e fondeve

18 Korrik 2022, 11:29

Enea Hoti, Drejtor i Përgjithshëm Agjencia për Mbështetjen e Vetëqeverisjes Vendore, në seancën dëgjimore në Komisionin e Ligjeve për reformën territoriale, ka thënë se reforma e vitit 2015 rriti numrin e të punësuarve në bashki dhe uli borxhin e tyre.

Sipas tij para reformës ishin me gishtat e një dorë bashkitë, që mund të aplikonin për projektet e BE apo donatorëve të tjerë, sot të 61 bashkitë menaxhojnë projekte me fondet e donatorëve me BE. Agjencia për këtë ka rol të rëndësishëm.