Reshjet e dendura të shiut dhe rritja e nivelit të lumit Drino ka dëmtuar urën e fshatit Glinë, bashkia Dropull.
Ura lidh 5 fshatrat e njësisë administrative të Dropullit të Sipërm me pjesën e poshtme.
Si pasojë e kësaj situate të izoluar kanë mbetur banorët e fshatrave Radat, Glinë, Vrahogoranxi, Peshkëpi e Sipërme dhe Peshkëpi e Poshtme.
Në vendngjarje ndodhen ekipi i emergjencave civile për të vlerësuar dëmet e shkaktuara.
