Pas humbjes së bashkëshortit, Xhevahire Kolgjini u detyrua t’ia dilte mbanë e vetme për të siguruar të ardhura për familjen e saj. Me punën si kostumografe ajo rriti 5 fëmijët, 4 vajza dhe një djalë. Është përpjekur të ruajë traditën e krahinave të gjithë Shqipërisë. Çdo ditë e gjen në vendin e saj të punës nga ora 7 e mëngjesit deri në orët e vona të mbrëmjes. Na njeh me veshjet popullore nga Veriu në Jug, na tregon për vështirësitë e këtij profesioni, lodhjen dhe përqëndrimin që kërkon. Problematikat që ka vënë re në vitet e fundit janë cilësia e materialit dhe mungesa e fuqisë punëtore.
