Prej kohësh data e konferencës së parë ndërqeveritare mes Shqipërisë dhe Bashkimit Europian ka mbetur pezull, jo për shkak të vendit tonë, por mosmarrveshjeve të Maqedonisë së Veriut me fqinjin e tyre lindor Bullgarinë, e cila pengon çeljen e negociatave.
Por duket se kjo mund të ndryshojë shumë shpejt. Kryeministri i ri bullgar premton një kthesë. Në një intervistë të dhënë për 'Financial Times' ai thotë se Sofja do t'i japë fund pengimit të përpjekjes së Maqedonisë së Veriut për t'u bashkuar me BE-në sapo qeveria e tij e re të marrë detyrën në javët e ardhshme.



















