Shtëpia e Bardhë fshin pamjet e duartrokitjeve të Trump për Putinin mbi tapetin e kuq

16 Gusht 2025, 00:52 | Përditesimi: 16 Gusht 2025, 00:52

Shtëpia e Bardhë ka fshirë duartrokitjet e Donald Trump për Vladimir Putinin në videon e mbërritjes së presidentit rus në Alaska, mbi tapetin e kuq.

Pamjet e transmetuara drejtpërdrejt në të gjitha rrjetet televizive amerikane treguan manjatin duke duartrokitur, ndërsa udhëheqësi i Kremlinit i afrohej në tapetin e kuq, dhe Moska menjëherë shpërndau një pamje të skenës në agjencitë ruse të lajmeve, raporton “Corriere”.

Klipi i postuar në X, Instagram dhe llogaritë e tjera zyrtare të mediave sociale të Shtëpisë së Bardhë, si dhe në faqen e internetit, fillon disa sekonda më vonë, me shtrëngimin e duarve.

r.k./Shqiptarja.com