Supë me mish pule dhe perime të stinës
Përbërësit:
- 1 gjoks pule
- 1 qepë
- 2 karrota
- 2 patate
- 2 kunguj
- 1 spec jeshil
- 1 spec i kuq
- 1 brokoli të vogël
- 1 lgj miell
- 1 tufë majdanoz
- 2 lgj gjalpë
- Kripë, piper
Përgatitja:
Fillimisht pastrojmë të gjitha perimet dhe i presim në kubikë të vegjël, ndërsa brokolin e ndajmë në lule. Në një tenxhere kaurdisim me gjalpë qepën e grirë shumë imët. Pasi qepa të bëhet transparente shtojmë mishin e pulës në kubikë dhe perimet dhe vazhdojmë kaurdisjen. Më pas shtojmë pak miell dhe buljon të ngrohtë. Rregullojmë shijen me kripë dhe piper dhe e lëmë supën të ziejë për rreth 10 minuta. Në fund shtojmë bimë aromatike sipas dëshirës.
