Tavë me mish viçi dhe pistil

4 racione mish viçi

1 kg qepë

2 lgj salcë domate

1 spec i kuq

Pistil

Pak sheqer

Kripë, piper, rigon

Disa kokrra ullinj

Gjethe dafine

Vaj ulliri

Në një tigan ose tenxhere, hedhim pak vaj ulliri dhe kaurdisim mishin e prerë në copa derisa të marrë pak ngjyrë.

Shtojmë qepën e prerë hollë dhe vazhdojmë kaurdisjen së bashku me mishin, derisa qepa të zbutet dhe të marrë ngjyrë të artë. Hedhim kripë, piper të zi

dhe e lëmë të kaurdiset mirë që të lidhen shijet. Më pas shtojmë pistilin dhe sapo të tretet pak nga nxehtësia hedhim specin e kuq, salcën e domates, pak sheqer, rigonin dhe ullinjtë. Ulim temperaturën dhe e lëmë gjellën të gatuhet ngadalë derisa mishi të zbutet mirë, qepa të shkrihet dhe

salca të lidhet bukur.