30-vjeçari nga Shkodra Fadil Likaj, ka dalë sot para Gjykatës së Vlorës për plagosjen e të dashurës së tij 20-vjeçare me armë zjarri, pasi nuk pranonte ndarjen. 30-vjeçari akuzohet për "vrasje e mbetur në tentativë ndaj dy ose më shumë personave" dhe "mbajtje pa leje e armëve dhe municioneve luftarake", ndërsa do të jetë Enkel Peza, gjyqtari që do të gjykojë çështjen. Prokurori i çështjes Klodian Llahja ka kërkuar arrest me burg për të riun.
