Grida Duma: Të drejtën për të propozuar emra e para ta ketë opozita! Tregoni vullnet pa zarfe të mbyllur

4 Maj 2022, 13:59 | Përditesimi: 4 Maj 2022, 14:05

Deputetja e Partisë Demokratike, Grida Duma, është shprehur se me procesin e saj me zarfe të mbyllur, mazhoranca nisi një proces jo transparent. Sipas saj duhet që opozita të bëjë propozimet e para.

“Mazhoranca të thoshte që opozita të nisë ajo propozimet. Edhe ne mund të sjellim një propozim që nuk është politik dhe që përfaqëson unifikimin e shqiptarëve. Pastaj duhet të plotësonim kriteret. Kushtetuta i ka gjeneraliste për këtë shkak, që politika ta gjejë unifikimin të kriteret në bazë të situatës politike. Ju e keni bërë thirrjen më 29 prill pasi keni mbyllur procesin me zarfe, që nuk është një proces transparent dhe unifikues. Duhet të kishte qenë e udhës që të kalohej stafeta tek emrat e opozitës”, tha Duma.

Sh.Sh/Shqiptarja.com