-
VIDEO
Dumani te ‘Ligjet: Ekstradimi nga Dubai ka qenë pothuajse i pamundur, 2025-a shënoi përmirësim! Sollëm 8 persona në kërkim nga SPAK
Kreu i SPAK, Altin Dumani thotë se vetëm gjatë këtij viti kanë ekstraduar 8 persona ng Emiratet e Bashkuara Arabe që ishin në kërkim nga SPAK. Ky vit, sipas Dumanit ka shënuar një përmirësim, pasi situata e ekstradimeve nga Dubai në vitin 2024 ka qenë problematike.
"Ekstradimi nga Emiratet Arabe, ka qenë problematike për vitin 2024, pasi ishte pothuajse e pamundur ekstradimi i këtyre shtetasve që ishin në kërkim për llogari SPAK. 2025 ka shënuar përmirësim, brenda këtij viti janë ekstraduar nga Dubai rreth 8 persona, as ne vete nuk e kishim imagjinuar që do kishim këtë situatë pozitive në raport me autoritet e Emirateve të Bashkuara Arabe", tha Dumani.
-
VIDEO
Dumani: Na duhet portofol dixhital, nuk kemi ku të ruajmë 11 mln euro kriptomonedhat e sekuestruara! Po sekuestrojmë edhe mbi 11 milionë euro të tjera kripto
Prokuroria e Posaçme ka sekuestruar 11 milionë euro kriptomonedha gjatë vitit 2024. Shifra është bërë e ditur nga kreu i SPAK, Altin Dumani, gjatë raportimit në komisionin parlamentar.
Në fjalën e tij, Dumani kërkoi të merren nisma ligjore për të mundësuar një portofol dixhital për mbajtjen e kriptomonedhave të sekuestruara. Shqipëria nuk e ka aktualisht një portofol dixhital.
Dumani theksoi se për mbajtjen e 11 milionë eurove kripto, i ka ndihmuar një vend i BE-së.
Drejtuesi i SPAK bëri të ditur se aktualisht kanë një shumë mbi 11 milionë euro kriptomonedha të tjera, të cilat janë të ngrira.
“Nuk kemi një portofol për të ruajtur kriptomonedhat e sekuestruara. As Agjencia e Administrimit te Pasurive te Sekuestruara dhe te Konfiskuara nuk ka portofol dixhital. Vetëm në 2024 kemi sekuestruar mbi 11 milionë euro vlerë të kriptovalutave dhe kemi hasur në vështirësi. Problemin e zgjidhëm duke bashkëpunuar ngushtë me një vend të BE që na u vetëofrua, ishte një sforco shumë e madhe. Jemi në proces ngrirje të një shume më të madhe se 11 milionë euro, janë të ngrira”, u shpreh Altin Dumani.
-
VIDEO
‘Arresti me burg i tepruar’, Dumani te ‘Ligjet’: Vetëm 9.7% e të paraburgosurve janë persona në hetim nga SPAK! U hetuan 33 zyrtarë të lartë
Kreu i SPAK, Altin Dumani prezanton raportin e vitit 2024 në Komisionin e Ligjeve. Në të njëjtin Komision u ngrit problemi i masave të tëpuara të arrestit me burg, nga Prokurori i Përgjithshëm, Olsian Çela apo ministri i Drejtësisë, Besfort Lamallari.
Ndalur në këtë pikë, Dumani tha se SPAK ka marrë të gjitha masat për të siguruar aplikimin e standardeve uniforme gjatë hetimeve paraprake, duke ndjekur parimin e ligjshmërisë dhe proporcionalitetit. Vetëm 7.9% e të paraburgosurve janë persona në hetim nga SPAK.
-
VIDEO
Kreu i SPAK: Kemi evidentuar 16 grupet kriminale shqiptare, janë aktive në disa shtete të BE! Blejnë kokainë në Amerikën Latine, 10 prej tyre i goditëm
SPAK ka evidentuar 16 grupeve kriminale shqiptare që veprojnë në disa vende të botës. Kreu i SPAK, Altin Dumani, në raportimin e tij në komisionin parlamentar për veprimtarinë e institucionit që ai drejton për vitin 2024, Dumani theksoi se kanë evidentuar 16 grupeve kriminale shqiptare të përfshirë në trafikun e kokainës dhe kanabisit.
Sipas tij, kokainën e blejnë në Amerikën Latine dhe ushtrojnë veprimtari në disa shtete të BE-së.
Dumani vuri në dukje se këto grupe janë aktive në Shqipëri në qarqet Tiranë, Durrës, Shkodër, Lezhë, Vlorë, Elbasan e Kukës.
Sipas Dumanit, 10 prej këtyre grupeve kriminale janë goditur.
“Janë aktive në disa shtete të BE, si Itali, Spanjë, Belgjikë, Holandë, Gjermani, Norvegji. Këto grupe blejnë kokainë në Amerikën Latine. Grupet janë të përfshirë edhe në trafikimin e qenieve njerëzore dhe krimin kibernetik. Gjatë 2024 janë identifikuar 16 grupe kriminale me rrezikshmëri të lartë, nga të cilat 10 janë provuar në gjykatë për aktivitetin e tyre. Karakterizohen nga strukturë hierarkike, përdorimi i komunikimeve të koduara, dhe pastrimi i parave. Janë aktive në Tiranë, Durrës, Shkodër, Kukës, Lezhë, Elbasan dhe Vlorë”, tha ndër të tjera Dumani.
-
VIDEO
Altin Dumani raporton në Komisionin e Ligjeve për veprimtarinë e SPAK gjatë vitit 2024
Seancë dëgjimore për raportimin mbi veprimtarinë e Prokurorisë së Posaçme kundër Korrupsionit dhe Krimit të Organizuar, për vitin 2024.
-
VIDEO
Drafti i Kodit Penal/ Çela kritika: Integrimi dhe fakti se është i vjetër nuk janë argumente, s’ka qenë urgjencë!
Prokurori i Përgjithshëm, Olsian Çela, teksa po raporton në Komisionet Parlamentare, u pyet edhe për draftin e Kodit të ri Penal, për të cilin shprehu kritika. Sipas tij, në vite nuk është bërë një analizë e thellë se çfarë nuk shkon me Kodin aktual dhe se argumenti se është i vjetër prej 1995-ës dhe integrimi nuk mund të përdoren si argumente për të krijuar një draft të ri. Sipas tij, deri në këtë kohë, kanë bashkëpunuar shumë mirë me partnerët ndërkombëtarë edhe me Kodin aktual dhe pa pasur asnjë problem.
-
VIDEO
Kryeprokuori Çela: Mbrojtja e institucioneve nga Ilirjan Guard nuk rezultoi funksionale! Duhet prezenca e Policisë së Shtetit
Prokurori i Përgjithshëm Olsjan Çela trajtoji në komision dhe çështjen e sigurisë nëpër gjykata dhe prokuroritë e vendit, pas ngjarjes së rëndë të vrasjes së gjyqtarit Astrit Kalaja në sallën e Apelit.
Çela tha se kushtet nuk janë optimale dhe se tashmë është marrë nisma nga të gjitha institucionet për riorganizimin e kushteve të sigurisë. Ndër të tjera, Çela tha se pajtimi i kompanisë private Ilirjan Guard për të siguruar perimetrin e jashtëm të prokurorive apo gjykatave nuk rezultoi funksional.
“Patjetër në gjykata kushtet nuk janë optimale. Në një mbledhje qe patëm kemi nisur një proces konsultimi. Ka nevojë për të rivlerësuar sesi ne mbrojmë këto institucione.
Ky sistemi që kemi zgjedhur për të siguruar perimetrin jashtë institucioni me kompaninë Ilirjan Guard nuk ka funksionuar. Duhet riparë. Do të zhvillojmë disa mbledhje me te gjitha prokuroritë për te mbledhur shqetësimet dhe propozimet për sigurinë dhe nevoja për prezencën e policisë së shtetit në gjykata e prokurori është e domosdoshme”, tha Çela.
-
VIDEO
Tjetër ‘deja vu’ e PD, kërkon komision hetimor për zgjedhjet: Të hetohet 11 maji
Disa muaj pas disfatës së thellë të zgjedhjeve të 11 majit, Partia Demokratike kërkon hetim parlamentar për përdorimin e burimeve shtetërore e administratës në garën e pranverës. Kërkesa u depozitua zyrtarisht këtë të martë bashkë me 38 firma të deputetëve opozitarë.
-
VIDEO
‘Mbrojtja Civile në Turne 2025’, ministria e Mbrojtjes organizon në një shkollë të Elbasanit simulim të një emergjence nga zjarri
Nxënësit, nën drejtimin e mësuesve dhe ekipeve të zjarrfikësve, shërbimit të urgjencës mjekësore dhe vullnetarëve të Kryqit të Kuq Shqiptar, demonstruan mënyrat e evakuimit dhe reagimit në raste emergjente, duke treguar rëndësinë e njohjes së procedurave të mbrojtjes dhe vetëndihmës.
-
VIDEO
Drafti i Kodit Penal/ Çela: Po e patët me urgjencë, përktheni atë gjerman meqë na duhet në BE! Teknika e hartimit është e gabuar, nuk bëhet për 2 muaj kjo
Prokurori Olsjan Çela ka shprehur në komision opinionin e tij lidhur me Kodin Penal. Çela tha se është e pamundur që të japë një përgjigje profesionale e analitike për draftin e Kodit Penal, duke theksuar se teknika e përdorur për hartimin e Kodit nuk është në lartësinë e duhur.
-
VIDEO
Çela: Kodi i Procedurës Penale, problem! Ndryshimet kanë ndikuar në funksionimin e institucionit të Prokurorisë
Prokurori i Përgjithshëm, Olsian Çela shprehu kritika edhe për ndryshimet në Kodin e Procedurës Penale sepse sipas tij ka krijuar probleme me funksioninim e institucionit të Prokurorisë.
-
VIDEO
Forumi i Investimeve, Rama: Kemi hapur dyert për novatorët, sfidë të krijojmë ‘akselerator’ në mbështetje të Diellës
Në ditën e dytë të Forumit të Investimeve BE-Ballkani Perëdimor, kryeministri Edi Rama prezantoi vizionin e qeverisë për të mbështetur startup-et dhe zhvillimin e Inteligjencës Artificiale. Bizneset e reja, tha Rama, do të kenë mundësi të aksesojnë institucionet dhe të shfrytëzojnë të dhënat e tyre.