Një 47-vjeçare e rritur pa dashurinë e prindërve dhe viktimë e dhunës, sot është në kërkim të dy vajzave të cilat nuk i ka parë prej vitesh. Merita Shaqiri ishte 40 ditëshe kur babai i ndërroi jetë ndërsa pas pak vitesh nëna u martua sërish dhe ajo u rrit nga gjyshërit. Në moishë ende të vogël vetëm 17 vjeçe Merita u martua ndërsa nga kjo martesë erdhën në jetë 2 vajza. Bashkëshorti ishte I alkoolizuar dhe shpesh ushtronte dhunë mbi nënën e fëmijëve të tij. Ishte viti 2996 kur të katërt vendosën të emigronin drejt shtetit italian me gomone për një të ardhme më të mirë.

Pa një shtëpi se ku të qëndroj, Flutura Selimi, një grua 66-vjecare nga qyteti i Durrësit gjendet sot e detyruar të kërkoj strehim tek të tjerët. Flutura jetonte në një ndërtes 1 katëshe, një strukturë që kishte qenë shtëpia e familjes së saj për shumë vite. Banesa, ishte në emër të bashkëshortit të saj, Muhamet Selimit, të cilit ia kishte lënë si pasuri babai i tij. Jeta e tyre mori një tjetër kthesë më 30 shtator të vitit 2019… Atë ditë, zyra e përmbarimit shkoi për të prishur ndërtesën, duke e nxjerrë atë dhe familjen e saj nga shtëpia…

Pas ngjarjes tragjike që tronditi Tiranën, ku 14-vjeçari Martin Cani u vra me thikë nga bashkëmoshatari i tij pranë shkollës Fan Noli në Tiranë, qindra qytetarë u mblodhën sot në protestë para Ministrisë së Arsimit. Babai i të miturit, Angel Cani ekskluzivisht për Report Tv shpreh falënderimet për të gjithë prindërit, nxënësit e shokët e Martinit që iu bashkuan sot protestës. "Faleminderit shumë që ma lehtësoni këtë dhimbje," – tha Angel Cani, duke iu drejtuar të gjithë atyre që kanë qëndruar pranë tyre në këto momente të vështira. Me dhimbjen e madhe në shpirt e fjalëpakë, babai e quan një ngjarje të pabesueshme në një intervistë për emisionin ‘Pa Gjurmë’ me gazetaren Odeta Dume. I mituri ishte pjesë e ekipit U-15 me Dinamon, ndërsa gazetarja Dume i kujton edhe një kampionat në Selanik ku djali i saj ishte pjesë bashkë me Martin Canin. Me dhimbje dhe trishtim e kujton edhe babai i Martinit këtë episod, ku e shoqëroi të birin në Selanik për kampionatin. Intervista ekskluzive për Report Tv.

Pas ngjarjes tragjike që tronditi Tiranën, ku 14-vjeçari Martin Cani u vra me thikë nga bashkëmoshatari i tij pranë shkollës Fan Noli në Tiranë, qindra qytetarë u mblodhën sot në protestë para Ministrisë së Arsimit. Babai i të miturit, Angel Cani ekskluzivisht për Report Tv shpreh falënderimet për të gjithë prindërit, nxënësit e shokët e Martinit që iu bashkuan sot protestës. "Faleminderit shumë që ma lehtësoni këtë dhimbje," – tha Angel Cani, duke iu drejtuar të gjithë atyre që kanë qëndruar pranë tyre në këto momente të vështira.

Erioni Bregu është 41 vjecari nga Skrapari i cili rezulton i humbur për familjen që prej 24 majit të këtij viti. Babai i dy fëmijve u largua drejt Greqisë për të punuar, dhe telefonatët e fundit e rezlizoi nga një fshat i Larisës me 2 vëllezërit e tij. Pas kësaj ngjarje të treguar nga vetë 41-vjecari, telefoni i tij u fik. Nuk ishte hera e parë që Erioni shkonte në shtetin Grek për të punuar, për shkak se e kishte shkeur afatin tre mujor e kaloi kufirin ilegalisht. Sipas familjarëve, 41 vjecari punonte tek një shtëtase greke, ku kjo e fundit i kishte siguruar ushqimin dhe fjetjen.

Përshëndetje zonja Odeta unë që po ju shkruaj jam Sofije Buzi jetoje së bashku me burrin në Kominat. Ne jemi dy pleq njëri 70-vjeç e tjetri 73-vjeç, jetojmë me qira në një banës 1+1 dhe qiranë e paguan djali i burrit 200 mije lekë në muaj. Unë djalit i mbajë fëmijët 10 dhe 6 vjeç, djali është i ndarë nga ne. Ati i duhet për vete për vetët shtëpia se u rritën fëmijët edhe shpesh herë lindin dhe konflikte sepse djali është përdorues i alkoolit dhe krijon dëme pa shkas. Unë vetë kam kaluar një hemorragji cerebrale (Ishemi), kam vetëm një pension 100 mijë lek të vjetra, ndërsa burri nuk ka pension se nuk plotëson vitet e punës. Burri është operuar nga një tumor në fshikëzën urinare dhe në prostatën. Jam në borxhe për arsye të operimit të burrit dhe nuk kam mundësi të paguaj, ju lutem më ndihmoni në një nga emisionet tuaja për ndihmë financiare e paketa ushqimore. Kam kërkuar për shtëpi sociale, por asnjë smë ndihmoj. Kërkoj një shtëpi, por nuk kam mundësi ta paguaj qiranë shtëpisë. Ne po vuajmë të dy bashkë se nuk di se si tua them. Jemi të ndërgjegjshëm se djali dhe nusja kanë të drejtën e tyre të jetojnë jetën sit ë duan, dhe e kuptojmë që në jemi bërë barrë për ta. Ju lutëm Znj.Odeta më ndihmoni të vijë të ndonjë emisionet tuaja e ishalla ka ndonjë bamirës të na ndihmojë. Me shumë respekt Sofije Buzi!

Erjon Bregu rezulton i humbur që prej datës 24 Maj të këtij viti. 41-vjecari nga Skrapari, Erion Bregu, emigroi drejt Greqisë për të punuar por fatkeqësisht humbi cdo kontakt me familjen e tij Nuk ishte hera e parë që Erioni shkonte në shtetin Grek për të punuar, për shkak se e kishte shkelur afatin tre mujor e kaloi kufirin me këmb dhe kishte vetëm 2 javë që kishte shkuar në nje fshat afer Larises, ku filloi dhe punë në bujqësi. Gruaja e moshuar që e kishte punësuar 41-vjecarin i kishte siguruar dhe vendin e fjetjes. Reth datës 20 po të muajit maj, në një nga telefonatat e fundit me vëllain e tij, Erioni i tregoi se kishte pasur konflikt me një shqiptar nga Përmeti, madje ky i fundit dhe e kishte dhunuar. Pas kësaj ngjarje të treguar nga vete 41-vjecari, telefoni i tij u fik.Perpjekjet e vellezerve për tu rilidhur ishin të kota, kane kaluar 6 muaj dhe ende nuk dihet cfare ka ndodhur me fatin e Erion Bregut. Familja ka bërë denoncimin për zhdukjen e tij në shtetin grek si dhe ne policine shqiptare, por ende nuk eshte arritur ne gjurmet e tij

Një grua e dhunuar dhe e abuzuar seksualisht që në moshë të vogël… sot këto vuajtje i ka kthyer në forcë dhe është bërë frymëzim për shumë gra, ndërsa gjithmonë u vjen në ndihmë personave të pambrojtur… Historia e Aurora Dibrës është një histori romanesh…një udhëtim i dhimbshëm i filluar që në moshën e saj të vogël, 10 vjeçe…kohë kur u përdhunua për herë të parë nga një murator që po punonte afër shtëpisë. E frikësuar Aurora e vogël nuk i tregoi askujt asokohe por në moshën 17-vjeçare nga frika e paragjykimeve vendosi të martohej me një burrë 19 vite më të madh, i cili vinte nga një martesë e dështuar dhe ishte baba i një vajzë 9 vjeçe. I alkoolizuar ai shpesh ushtronte dhunë mbi Aurorën, me të cilën solli në jetë 3 fëmijë 1 vajzë me aftësi ndryshe dhe 2 djem. Ishte viti 2012 kur për herë të parë pas disa vitesh dhunë, nëna e 3 fëmijëve vendosi të denoncojë bashkëshortin e saj. Më pas ajo bëri divorcin me këtë të fundit edhe pse familjarët e saj nuk ishin dakort. Me anë të urdhrave të mbrojtjes Aurora arriti që të emigronte drejt shtetit italian ku të kërkonte strehim por 3 fëmijët i la tek babai I tyre për 1 muaj e gjysëm pa e ditur se të njëjtin fat si nëna e saj do të kishte edhe ajo. 19-vjeçarja me aftësi ndryshe ra pre e abuzimit seksual nga i ati... Njëjtë si nëna e saj edhe ajo heshti… heshti deri një vit më parë kur kjo gjë u zbulua nga psikologia e të resë. Pasi përjetimit të kaq shumë sfidave, në vitin 2018 Aurora gjeti dashurinë dhe filloi një kapitull të ri në jetën e saj. Ajo sot jeton në Itali me 3 fëmijët dhe me partnerin e ri Stefanon, i cili është bërë si një baba për to. Pas 4 vitesh hatërmbetje kur Aurora u martua me Stefanon, ajo arriti të rilidhë kontaktet me të atin i cili nuk ishte dakort për divorcin me burrin e parë dhe emigrimin në Itali. Por më në fund duket se çdo gjë është rregulluar mes tyre. Përtej këtyre historive të dhimbshme të jetës së saj, Aurora gjeti forcën për të treguar këtë rrugëtim të errët në librin e saj, të cilin e ka titulluar “Kutia e Errët”. Këtë libër 38-vjeçarja ia ka dedikuar të gjitha grave si ajo që po kalojnë një moment të errët në jetë. Fitimet e këtij libri Aurora i ka vënë në dispozicion për gratë të dhunuara për t’I ardhur sadopak në ndihmë. Por bamirësia e Aurorës nuk është vetëm kjo, ajo ka shpesh ka organizuar festa dhe ka dërguar ndihma në jetimoren e shkodrës për të sjellë sadopak gëzim në fytyrat e fëmijëve të institucionit. Historia e Aurora Dibrës është një dëshmi se edhe në momentet më të errëta, ne mund të gjejmë dritë në forcën tonë të brendshme, dhe ta kthejmë atë në fuqi që na ndihmon të kapërcejmë çdo situatë.

Pak ditë më parë një informacion mjaft i rëndësishëm mbërriti në “Pa Gjurmë” në lidhje me Lirije Pjeçin, nënën e 3 fëmijëve nga Kavaja e cila kërkohet nga familjarët ende edhe sot pas 29 vitesh nga zhdukja e saj. Një shqiptare me vendbanim në Itali, konkretisht në Genova tregoi për një zonjë të trafikuar që nuk kishte kontakte me familjarët e saj dhe nuk fliste me askënd. Ajo kishte vite që kishte mbërritur në tokën italiane ku fillimisht ishte vendosur në Milano dhe vitet e fundit ishte zhvendosur në Genova. Dëshmitarja vuri në dispozicion edhe një foto të zonjës dhe pretendon se bëhet fjalë për Lirije Pjecin, foto të cilën gjatë transmetimit e shikuan edhe familjarët nën ankth të plotë. Për shkak të viteve të shumta që kanë kaluar nëna dhe djali e kishin të vështirë identifikimin e fotos nëse bëhej fjalë për Lirije Pjecin edhe pse kishte një ngjashmëri mes tyre. Jeta e Lirije Pjecit mori një tjetër kthesë pas ndarjes nga i shoqi për shkak të dhunës që ky i fundit ushtronte ndaj saj si pasojë e xhelozisë. Nënë e 3 fëmijëve, Lirija dyshohet se u trafikua në vitin 1995 nga njerëz të afërt të familjes, konkretisht nga njerëzit e nuses së vëllait të saj të cilët shpesh janë akuzuar në studio, por derimë tani nuk ka pasur asnjë reagim prej tyre. Kohë më pas një fqinj u pohoi familjes Pjeci se e kishte parë Lirijen në Milano të Italisë dhe se pasi e kishte thërritur në emër ajo ishte larguar menjëherë. Informacion që lidhet edhe me informacionin e mbërritur pak ditë më parë se Lirija prej vitesh ka jetuar në Milano ndërsa 4 vitet e fundit është zhvendosur në Genova.

Ervisa Sulaj, një 36-vjeçare nga Tirana, u largua në emigrim drejt shtetit të Italisë në vitin 2010, ajo u shkoi atje për një jetë më të mirë, ku u priti motra e halla e saj. Në vitin 2018, Ervisa u njoh me një shtetas italian, dhe një vit më pas ata u martuan. Gjatë kësaj periudhe, Ervisa ngeli shtatzënë, por takoi kundërshtimin e ish-vjehrrës, e cila dëshironte që ajo të abortonte pasi Ervisa ishte nga një shtet tjetër. Fillimisht, marrëdhënia me ish-burrin e saj ishte e mirë, por situata ndryshoi pas lindjes së djalit të tyre në vitin 2020. Konfliktet filluan ku mes debatit futej edhe ish-vjehrra.

5 Mars 2024- Kjo date ka shënjuar përgjithmon jetën e ciftit Ahmeti nga Krraba…Djali i tyre i vetem Saimir Ahmeti del nga shtepia per tu mos u kthyer me i gjalle…Ajo që mendohej të ishte një natë miqësie mori një kthesë tragjike...Babai me dhimbje të madhe tregon 7 minutat e fundit të jetës së te birit…Sekonda të cilat kanë lëne edhe sot shumë pikëpyetje të mëdha…Kjo eshte fotografia e fundit e 19 vjecarit, e cila u shkrep atë natë mbi këtë makinë, me një shok që pozontenë të djathtën e tij, ndërsa një tjetër qëndronte në vendin e shoferit…Pas asaj shkrepje, ndodhi tragjedia …Trupi i të riut u hodh mbi toke, vetem 300 meter larg shtepise, aty ku nëna dhe babai po prisnin djalin dhe të konsumonin darkën si gjithmonë te tre bashkë….

Një nënë 35 vjeçe, Bajame Shkëmbi me origjinë nga Pogradeci, denoncoi pasditen e sotme historinë tronditëse të saj. Me një xhelozi të sëmurë shpesh bashkëshorti e ka dhunuar në sy të fëmijëve ndërsa pak ditë më parë për shkak të dhunës ajo e ka denoncuar Ermal Shkëmbin. Ndërsa ai ndodhet pas hekurave, 35-vjeçarja kërcënohet nga kunati i cili kërkon ta nxjerrë nga shtëpia me fëmijët nëse nuk tërheq denoncimin. E frikësuar Bajame Shkëmbi kërkon ndihmë në “Pa Gjurme”.

Ilir Paja eshte nje emer i njohur per drejtesine shqiptare, pasi 49 vjeçari ishte denuar me 25 vite burg ne shtetin fqinje. Italia i dergoi vendit tone akuzat dhe provat e krimeve, ku gjykata e krimeve te renda ne vendin tone e denoi ne vitin 2011 me 23 vite burg. Per shkak te gjykimit te shkurtuar, PAJA beri 17 vite burg.Ai la qeline ne vitin 2021, por liria e tij nuk do zgjaste shume. Ilir Paja u arrestua në nëntor të 2022 në Tiranë, në një lokal në Laprakë. Sërish ndodhet pas hekurave dhe po ripërsërit dënimin e kryer më pare.

Pasditen e 23 shtatorit në studion e emisionit ‘’Pa Gjurmë’’ u denoncua nga një qyetetare, një zonjë e moshuar, e cila kishte përfunduar në situatë rruge, pasi ishte braktisur nga 5 fëmijët e saj. Qytetarja nga Shkodra që e kishte gjetur në rrugë zonjën e moshuar e kishte strehuar në shtëpinë e saj për disa ditë, teksa kujdesej për të. Ajo vuan nga probleme të shëndetit mendor dhe të vetmin detaj që mbante mend ishte emri i saj, Sofia. Zonja e moshuar është në gjendje kritike shëndetësore, ku kishte disa të djegura në trupin e saj. Gjatë transmetimit një qytetar telefonoi live duke dëshmuar se Sofia ishte nga qyteti i Shkodrës. Ndër të tjera tregoi se para disa 2 vitesh shtëpia e saj në afërsi të Bunës ishte djegur. Fatëkeqisht nga flakët e zjarrit, kishte humbur jetën dhe bashkëshorti i saj. PAsditen e sotme në lidhje telefonike reagoi djali i zonjës i cili konfirmoi këto detaje dhe se bëhej fjalë për nënën e tij duke treguar arsyet pse kishte përfunduar në rrugë.

Një 58 vjecar nga Pogradeci denoncon dhunën dhe kërcënimet e vazhdueshme nga djali i bashkëshortes së tij, Amarildo Leska. 30-vjecari përdorues I lëndëve narkotike, ka detyruar të largoi nga banesa bashkëshortin e nënësm Fatmir Mucën. Dhe pse Fatmiri e rriti me shumë dashuri dhe bëri gjithcka qe ta zëvëndësonte figurën e babait tek djali, kjo nuk e bëri kurre marrëdhënien e tyre të ngushtë. Fatmir Muca lidhi kurorë e nënën e Amarildos kur ishte vetëm 8 muajsh, pasi fatkeqsisht ishte braktisur nga babai. Ende fëmijë, cifti Muca I dhuroj një motër dhe familja u bë më e madhe. Gjithcka shkonte mire deri momentin kur djali I shtëpisë hyri në moshën e adoleshencës…

Tituj dhe video qe shpërthyen verën e këtij viti për cështjen e shumë përfolur Bleona Mata… Lajme te publikura në rrjete te ndryshme sociale, por ne thelb gjithcka e ndërtuar nga kolege te papergjejshem sollen lajme te rreme…lajme vetem per klikime Ende edhe sot e kesaj dite nuk dihet asgjë për fatin e Bleona Matës, vogëlushes së zhdukur 14 vite më parë në Kukës. Historia e 6-vjeçares trajtuar ne Report Tv, ka ngjallur interes të lartë tek I gjithe publikum brenda dhe jashte shqiperise. Kurioziteti mbi fatin e saj është ende i lartë, dhe kjo gjë kohët e fundit po shfrytëzohet nga portale të ndryshme duke e bërë rastin e Bleonës “viktimë” e lajmeve të rreme. Duhet nënvizuar se ky lajm tejkalon një kufi moral, kur zgjedh të përdorë imazhin e nje femije te humbur…

Në Shqipëri problemet me pronat janë të shumta, madje në shumë raste në konflikt janë futur dhe pjestarë të së njëjtës familje. I tillë është rasti që do të trajtojmë pasditen e sotme mes dy vëllezërve të familjes Dibra nga Tirana. Bëhet fjalë për një apartament 2+1 të blerë në vitin 1992 në rrugën “Irfan Tomini”. Kjo pronë sipas Fatmirit është blerë me paratë e tij ndërsa kanë jetuar nëna dhe 3 fëmijët, dy vëllezërit Fatmir dhe Faslli Dibra bashkë me motrën, Verën e cila fatkeqësisht ka probleme të shëndetit mendor. Ata janë rritur vetëm nga nëna pasi babai ka ndërruar jetë vite më parë kur fëmijët ishin të vegjël. Edhe pse vëllai sot Faslliu jeton me gruan dhe me dy fëmijët e tij në një tjetër shtëpi, ai bashkë me djalin kërcënojnë Fatmirin që të shesë shtëpinë pasi pretendojnë se kanë pjesë nga ajo pronë. Ky pretendim hidhet poshtë nga Fatmiri i cili nuk e pranon këtë gjë. I frikësuar nga kërcënimet e shpeshta për këtë pronë, Fatmiri ka bërë denoncime edhe në komisariat por derimë tani nuk është marrë asnjë masë, prandaj i gjendur në udhëkryq 55-vjeçari kërkon ndihmën e emisionit “Pa Gjurmë”.

Në një gjëndje të rënduar shëndetësore, një 71-vjeçar, Robert Dragoi, i drejtohet emisionit “Pa Gjurmë” me tw vetmen kërkesë… të takojë dhe një herë 2 fëmijët e tij të cilët nuk i ka parë prej vitesh. Ishte viti 1998 kur Roberti nga Korça u martua me shkuesi me Meritën nga Berati. Të dy nisën jetesën në Korçë ndërsa u bënë prindër të dy fëmijëve. Por martesa nuk do të zgjaste shumë pasi në vitin 2004 çifti arriti drejt divorcit. Shkak u bë tradhtia bashkëshortore nga ana e gruas, e cila prej vitesh ishte në një lidhje jashtëmartesore me një polic nga Berati. Këtë gjë kryefamiljari e zbuloi nga një fqinj, i cili i pohoi hyrje-daljet e policit në shtëpinë e tij pasi Roberti ikte për në punë. Pas ndarjes gjykata vendosi që të dy fëmijët t’i kalonin nën kujdestari të ëmës, ndërsa babait i caktoi takime të cilat në fillim u realizuan, por me kalimin e viteve filluan të rralloheshin. Fëmijët u ftohën me babain e tyre, ndërsa nuk donin ta takonin më pasi sipas babait, nuk i lejonte nëna e tyre. 2 vite pas ndarjes Roberti vendosi të niste sërish jetën e tij nga e para, ndërsa u martua dhe në jetë erdhën edhe dy djem të tjerë të cilët sot janë 15 dhe 13 vjeç. Me familjen e re ai aktualisht jeton në kryeqytet, ndërsa shpesh ka udhëtuar në Berat për të takuar 2 fëmijët nga martesa e pare, por nuk ka mundur t’i takojë. Edhe dy djemtë e vegjël kërkojnë që gjithashtu të takojnë vëllain dhe motrën nga ana e babait të tyre, të cilët sot janë 25 dhe 24 vjeçarë.

Ermal Ngucaj nga Lepenica e Selenicës, baba i një djali rezulton i zhdukur që prej datës 12 tetor të vitit 2020.

Makina e tij u gjet e braktisur në fshatin Mavrorë dhe brenda saj vetëm sendet personale.

Report tv mori fillimisht dëshminë e nënës dhe babait ndërsa udhëtoi në fshatin ku banonin. Prindërit hodhën dyshime tek një pengmarrje e mundshme, dyshim të cilin e kishte edhe bashkëshortja e cila hodhi poshtë pistën e konfliktit për të cilën po hetohej lidhur me një sasi kanabisi. Në një lidhje telefonike për programin, Nertila Ngucaj tregoi se në telefonatën e fundit që pati me bashkëshortin ai nuk i komunikoi asgjë përveçse i kërkoi ta mbyllte telefonin pasi ishte në makinë dhe kishte ngatërruar rrugën. Pak orë më pas, telefoni i tij rezultoi i fikur.

Pa gjurmë solli edhe dëshminë e motrës së tij, Jetmira Ngucaj. Ajo bëri apel për ndihmë duke hedhur poshtë çdo lajm se i vëllai ishte i përfshirë në trafikun e lëndëve narkotike.

Për emisionin Pa Gjurmë ajo zbuloi të tjera tragjedi që kanë ndodhur në familjen Ngucaj, për të cilën pas ndarjes nga jeta të dy vëllezërve të tjerë heshtja për këtë ngjarje është një tjetër vdekje e ngadaltë

Lirija është fëmija i parë nga 5 fëmijët e familjes Pjeci nga Kavaja, jeta e së cilës ndryshoi kur u martua me Haki Shalën.

Ai ushtronte dhunë ndaj të shoqes për shkak të xhelozisë. Edhe me ardhjen në jetë të 3 fëmijëve sërish dhuna ishte prezente në familje dhe si të mos mjaftonte kjo, i shoqi nisi të kishte edhe një marrëdhënie paralele. Këtu përfundoi gjithcka dhe Liria vendosi t’i drejtohej gjykatës për divorc ku u vendos që dy fëmijët e parë t’i merrte bashkëshorti, ndërsa vajza e vogël të jetonte me Lirien, nënën.

Fati kishte rezervuar të papritura për Lirien e cila pasi u nda nga I shoqi vendosi të largohej drejt Korcës së bashku me vajzën ku nisi një tjetër marrëdhënie me një tjetër person. Nga këtu nis edhe misteri i zhdukjes së saj. Ndërsa jetonte në Korce, Liries i vjen një telegram nga kunati i të vëllait, Flamurit.3 ditë më pas ajo mori vajzën të cilën e dërgoi tek prindërit në Shkallnur të Durrësit. U pohon se do të kthehej për 10 ditë për të marrë vajzën. Me ikjen e saj dhe me kokën pas, Liria nuk u kthye më që prej vitit 1995. Prindërit kontaktuan me djalin Flamurin, ku mësuan se letra i ishte dërguar Liries nga i kunati i tij dhe se për largimin e saj kishin dijeni dy vëllezërit e bashkëshortes së Flamurit. Kunetërit e këtij të fundit e kërcënuan me jetë Flamurin, që të kjo çështje të mbyllej.Ndaj dyshimet e familjes mbesin pikërisht aty. Kohë më pas një fqinj u pohon se e kishte parë Lirien në Milano të Italisë dhe se pasi e kishte thërritur në emër ajo ishte larguar menjëherë. Që nga ky episod asgjë nuk u mësua kurrë për fatin e Lirie Pjeçit…

Bardha Gjika është një 50-vjeçare nga Golloborda e cila u njoh me shkuesi me Mafiz Adilin nga Dibra, 16 vite më të madh të cilit i kishte ndërruar jetë bashkëshortja. Të dy nisën të jetonin bashkë ndërsa Zoti i bekoi me ardhjen në jetë të 4 fëmijëve, 3 vajzave dhe një djali. Pas 7 vitesh bashkëjetesë, në vitin 2013 Mafizi u sëmur rëndë ndërsa para se të ndërronte jetë u la amanet familjarëve dhe të shoqes që 4 fëmijët të merrnin mbiemrin e tij, Adili pasi ato figuronin me mbiemrin e Bardhës.

Vajza u dhunohet barbarisht dhe mbahet e izoluar në shtëpi nga bashkëshorti serb, dy prindër vijnë në “Pa Gjurmë” të frikësuar për fatin e të bijës. Ishte viti 2018 kur me shkuesi Besjana Shabani një 40-vjeçare me origjinë nga Burreli martohet me Ivan Kitanovic, një 53-vjeçar shtetas serb. Ajo u zhvendos në Nish të Serbisë ku nisi jetesën me bashkëshortin dhe me prindërit e tij. Më 16 shkurt të vitit 2022 çifti u bënë prindër të dy fëmijëve binjakë. Por jeta nuk do të shkonte ashtu siç Besjana e kishte menduar. Që kur në jetë erdhën djemtë, Besjana dhunohej barbarisht nga vjehrra e saj dhe bashkëshorti, dhe për më tepër këta të fundit edhe e kyçin brënda në shtëpi. Në momentin kur prindërit e Besjanës shkuan të gëzuar për të takuar dy nipërit e tyre, ata e gjetën derën të mbyllur. Pas shumë tentativash askush nuk i priti dhe të gjendur në të tilla kushte, Emal dhe Shpresa Shabani bënë një denoncim në polici. Për shkak të dhunës, për disa kohë nëna me dy fëmijët u strehuan tek shërbimi social, por kohët e fundit është kthyer sërish tek bashkëshorti dhunues. Sipas tyre, dhuna vjen për shkak se familja Kitanovic dëshiron të dëbojë Besjanën nga shtëpia ndërsa dy fëmijët duan t’i mbajnë vetë. Por këtë gjë 40-vjeçarja nuk e pranon kurrsesi, ajo ka zgjedhur të dhunohet barbarisht vetëm që dy fëmijët mos t’i largojë nga vetja e saj. Të frikësuar, prindërit e Besjanës jetojnë çdo ditë me merakun për vajzën e tyre të vetme.

Një nënë e dy djemve, me një djalë në burg dhe nën dhunën sistematike të ish-burrit, Manushaqe Kovaçi një 58-vjeçare vjen pasditen e sotme në “Pa Gjurmë” për të rrëfyer peripecitë e jetës së saj. U martua në vitin 1990 me Bashkim Dakën nga Golemi, ndërsa të dy sollën në jetë një djalë. Kjo martesë nuk do të zgjaste shumë pasi 4 vite më pas, kur Manushaqja ishte shtatzënë çifti Daka vendosi të divorcohet pasi Bashkimi ushtronte dhunë të vazhdueshme ndaj bashkëshortes së tij. Gjykata ia la kujdestarinë e fëmijëve nënës, por sërish edhe pas ndarjes ata jetonin nën të njëjtën çati. Kjo gjë sillte shpesh konflikte mes tyre, konflikte të cilat vazhdojnë ende dhe ditët e sotme. Sipas Manushaqes, Bashkim Daka ushtron dhunë psikologjike mbi të dhe mbi fëmijët nën efektin e alkoolit. Ishte 25 tetori i vitit 2018 kur kryefamiljari denoncoi djalin e tij të madh Elisin për dhunë në familje, ndërsa ky i fundit përfundoi pas hekurave. Sot e kësaj dite kur kanë kaluar më shumë se 5 vite, kjo nënë nuk ka asnjë informacion për të birin se kur do të dalë nga burgu apo si është gjendja e tij. I lodhur nga këto zënka të vazhdueshme, djali i vogël i familjes është larguar në një shtëpi me qira për të mos qënë afër babait të tij. Prandaj, e lodhur, Manushaqe Kovaçi ka udhëtuar nga Golemi për të gjetur një zgjidhje.

Pak ditë më parë në studion e emisionit ‘’Pa Gjurmë’’ një baba nga Tropoja denoncoi bashkëshorten e tij si shkak i humbjes së kontakteve me dy fëmijët e mitur. Alberti dhe Afërdita me 12 vite diferencë u njohën me njëri tjetrin në vitin 2012 nëpër rrjete sociale, ndërsa filluan bashkëjetesën në Tiranë. Të dy u bënë prindër të dy fëmijëve,10 dhe 7 vjeçarë sot. Në vitin 2016 Afërdita u detyrua që të emigronte drejt Italisë, pasi djali i vogël u diagnostifikua me Leuçemi. Përvec sëmundjes së djalit çifti u përball edhe me konfliktet e para të cilat degraduan deri në ndarje të tyre në vitin 2022. Konflikte të cilat vinin si pasojë e xhelozisë.Nga studio emisionit Albert Zllami ngriti akuza të rënda për bashkëshorten, ku sipas tij kjo e fundit nuk kujdeset për fëmijët. Ajo çfarë e bën më e rëndë këtë histori është pohimi i djalit të mitur, i cili i kishte treguar babait se nëna, Afërdita e kishte lënë të vetëm me vëllain në një lulishte, ndërsa kjo e fundit kishte ikur me një person tjetër. Prej dy vitesh, bashkëshortja Afërdita ka shkëputur çdo kontakt me Albertin ndërsa nuk lejon as fëmijët të flasin me të. Por pas transmetimit, kjo e fundit pasi ka parë emisionin në kanalin tonë në youtube ka reaguar ndërsa kërkon edhe një përballje me babain e fëmijëve.

Prej vitesh dy vellezer nuk komunikojme me njeri tjetrin dhe pse jetojne ne te njejtin qytet. Ardhja e nuseve ne kete familje, u bene burimi i konflikteve, ku pasojat ishin te medha, duke perfshire dhe prinderit e moshuar. Ymer Vranaj eshte 64 vjecari nga Shkodra, qe sot eshte personazhi i rralles ne pa gjurme.Vranaj akuzon kunaten e tij me profesion mjeke se ka ushtruar dhune ndaj nënës së tij. Ardhja e kesaj nuse në shtëpinë e tyre, sipas Ymerit solli percarje dhe sherre te medha dhe qellimi i vetem ishte qe zonja ne fjale te merrte gjithe pasurine e familjes Vranaj. Sapo u celebrua, nusja- mjeke menjehere deboi nga shtëpia të dy prindërit e burrit, ku te moshuarit ngelen ne mes te kater rrugeve. Ne te tilla kushte, prinderit u ndan ne moshen e pleqerise, per babain u kujdes Ymeri dhe per nene asokohe te semure vellai tjeter, Ridvani. Të shumta kanë qenë rastet kur fqinjët e kanë lajmëruar 64-vjecarin se kunata ka ushtruar dhune ndaj nënës. Madje n shpesh herë ai e ka gjetur atë pak metra larg shtëpisë e me të nxira në fytyrë. Sot i penduar, ai tregon se nuk ka bërë asnjë here denoncim në policinë e Shkodrës me shpresën se mardhënia me vëllain dhe nusen e tij do te regullohej. Por kjo fatkeqsisht nuk ndodhi kurre. Sot, prinderit kane nderruar jete dhe gjithe pasurine e trashegon vellai me nusen mjeke duke perjashtuar 64 vjecarin. Nga transmetimi i sotem Ymeri kerkon nje perballje pas kaq shume vitesh me familjen e vellait te ti.

Sapo ka dalë nga burgu, Altino Llalla nga Elbasani është në kërkim të djalit që e bëri atë për herë të parë baba. Ishte viti 2019 kur u njoh me Kimeten në rrjete sociale. Të dy vinin nga martesa të dështuara ndërsa Kimetja ishte nënë e dy fëmijëve. Pas 3 muajsh u takuan por prindërit e Altinos nuk ishin dakort për këtë lidhje prandaj të dy nisën bashkëjetesën fshehurazi. Po në atë vit Kimetja mbetet edhe shtatzënë dhe ishte në pritje të fëmijës së tyre të parë. Më 21 janar 2020 në jetë erdhi djali ndërsa pak kohë më pas Altino niset drejt Greqisë për të punuar. Pork y do të ishte dhe momenti ku do të niste përcarja mes çiftit. Altino nisi të dyshonte se partnerja e tradhëtonte pasi e shihte në vende të ndryshme dhe kështu nisën konfliktet mes tyre. Derisa një ditë Kimetja i tha Altinos që nuk do ta shohësh më djalin. Në dhjetor të 2021 46-vjeçari u kthye në Shqipëri dhe menjëherë pasi shkon për të takuar partneren dhe djalin ai u arrestua nga policia me akuzën për dhunë ndaj Kimetes dhe familjes së saj. Ai kreu 2 vite e 4 muaj burg ndërsa në dhjetor të 2023 Altino la qelinë e burgut dhe është në kërkim të djalit të cilin për herë të fundit e ka parë kur ishte 11 muajsh.

Konfliktet mes dy bashkëshortëve ka bërë që babai të mos ketë kontakt me dy djemtë e mitur. Albert Zllami 53-vjeçari nga Tropoja prej dy vitesh nuk ka asnjë kontakt me dy të vegjëlit e tij. Bashkëshortja, Afërdita Tahiraj ka shkëputur çdo kontakt me të dhe nuk i lejon fëmijët të flasin me të atin. Albert Zllami pas një martese të dështuar disa vjeçare, në vitin 2012 njihet me Afërdita Tahirajn në rrjete sociale. Ende pa mbushur një vit, çifti do të kurorëzonte dashurinë e tyre në martesë dhe nisën bashkëjetesën në kryeqytet. Mes çifit të ri gjithçka po shkonte mirë dhe në jetë erdhi bekimi i tyre i pare, Aron. Për një jetesë më të mirë, Alberti së bashku me djalin e porsalindur zhvendosën në Gjermani. Aty ku dhe do të ndryshonte jeta e tyre përgjithmonë… I vogli filloi të kishte probleme shëndetësore dhe kushtet e vështira në tokë të huaj, e detyruan që të ktheheshin në atdhe. Në 2016 ata u bënë prindër për herë të dytë dhe ne jete vjen Arberi. Po në këtë vit ata do të mësonin se djali i madh vuante nga leuçemia… Ndaj nena së bashku me djalin nisen në Itali për të kuruar djalin. Një vit më vonë do të merrte edhe të voglin… Të dy bashkëshortet filluan të kishin konflikte me njëri-tjetrin. Të dy të ndodhur në dy shtete të ndryshme kishin keqkuptime të njëspasnjëshme. E që prej vitit 2022, Afërdita ka shkëputur çdo kontakt me babain e fëmijëve. Ajo e ka bllokuar në të gjithë rrjtete sociale dhe nuk i lejon që fëmijët të flasin me të atin.

Pak ditë më parë një denoncim tronditës u bë në studion e emisionit “Pa Gjurmë” nga një nënë e 3 fëmijëve, e cila akuzonte ish-bashkëshortin e saj për tradhëti dhe dhunë barbare ndaj saj. Berate Shkurti, një emër i rremë që iu vu nga emisioni për të ruajtur identitetin e saj, rrëfeu se tradhëtinë e ish-bashkëshortit e zbuloi pasi ky i fundit harroi telefonin në shtëpi nga i cili lexoi të gjitha mesazhet. Një lidhje e cila nisi që prej vitit 2000, prindër të 3 fëmijëve, për 49-vjeçaren zbulimi i tradhëtisë erdhi si një shok, i cili e tronditi mjaft.Nisur nga këto mesazhe, ajo i vendosi përgjues në shtëpi ku dëgjoi biseda që vërtetonin më tepër atë që nëna e 3 fëmijëve kishte zbuluar. Ajo çka e bën më tronditës këtë histori është fakti që pasi zbuloi tradhëtinë e ish-bashkëshortit, ky i fundit ushtronte dhunë barbare ndaj saj dhe gjithashtu ajo pretendon se ai ka tentuar edhe ta vrasë. Në fotot e vëna në dispozicion, duken shenjat e dhunës në trupin e 49-vjeçares. Por si të mos mjaftonte kjo, gruaja pretendoi se ish-bashkëshorti i saj, kishte mohuar gjithashtu edhe 3 fëmijët e tij, ku këta të fundit të lënduar kanë kërkuar të bëjnë analizat e ADN-së për t’i vërtetuar të atit se janë gjaku i tij.Pasditen e sotme për të sqaruar të gjithë situatën dhe për të hedhur poshtë akuzat e ngritura ndaj tij, do të vijë në studio ish-bashkëshorti i 49-vjeçares i cili pretendon se këto akuza jan të rreme, pretendim të cilën e bazon mbi fakte dhe prova.

Kjo eshte histotia e Aleksander Lekaj nga njw fshat i Lezhws, i cili per shkak te fizikut nuk u pranua ne shkolle kur ishte femije. Sa here qe i kujton ato momente perlotet, kur ish drejtori i shkolles se fshatit iu komunikoi prinderve se prania e Aleksandrit ne shkolle trembte femijet e tjere. Por kjo nuk e bëri të dorëzohet, pasi dëshira për të marrë dije ishte më e madhe sesa diskriminimi që iu be. Endrren e realizoi pas shume vitesh, edhe pse duhet te sakrifikoj cdo mengjes. 38 vjecari pershkruan 5 kilometer me karrocen e tij per te shkuar ne nje shkolle ne qytetin e Lezhes. Sot ai është në klasë të 8-të dhe dhe pse në një moshë madhore. Aty është pritur mirë nga nxënësit e tjerë, gjithashtu edhe nga stafi pedagogjik. Aleksandri i bën studimet në një klasë specifike me mësuese ndihmëse. Nëna e tij, Dile Leka, kujdeset shumë për të birin pas vdekjes së bashkëshortit. Ata jetojnë në kushte të mjerueshme, por kjo nuk e ka privuar atë t’i përkushtohet të birit. Ajo tregon se Aleksandri ka qenë një fëmijë i zgjuar dhe me dhunti. Në asnjë moment nuk i ka munguar dëshirë për të mësuar. Kur mësoi të lexoj për herë parë u aposionua shumë pas librave. Nena mundoheshe t’i blinte me aq mundesi sa kishte dhe pse te ardhurat ne familje ishin te pa mjaftueshme. E jo vetem librat, por edhe kompjuterat jane pasioni i tij. Në të ardhmen e shikon veten të punojë në sektorin e teknologjisë. 38-vjeçari vjen në studio pasditen e sotme me ëndrrën për të vazhduar gjimnazin dhe shkollën e lartë.

Një baba në kërkim të vajzës së tij… për të cilën malli e mundon prej 12 vitesh… Kjo është historia që do të vijë sot e rrëfyer nga një 48-vjeçar nga Tirana. Baba i një vajzë 10 muajshe u braktis asokohe nga bashkëshortja e tij e cila nuk u interesua as për të bijën. Gjykata më pas kujdestarinë e vajzës ia caktoi babait, ai i cili u kujdes gjithmonë dhe e rriti atë. 2 vite më pas ai nisi bashkëjetesën me Adelina Merkeçin nga fshati Shupenzë i Dibrës me të cilën u bë baba i një vajzë tjetër, Selmës. Ndërsa dukej se çdo gjë po shkonte mirë, Adelina nisi të shfaqte sjellje problematike ndërsa ushtronte dhunë mbi vajzën nga martesa e parë e tij. Kur foshnja ishte ende pa mbushur vitin, për shkak të këtyre konflikteve, Adelina mori të bijën dhe u largua tek shtëpia e prindërve të saj. Që prej atij momenti babai shkëputi çdo kontakt me të bijën dhe nuk mundi t’ia dëgjojë më zërin. Sot i vetëm me vajzën e madhe, 48-vjeçari është në kërkim të vajzës tjetër për të cilën malli e djeg çdo ditë e më shumë. I vetmi informacion që ai ka mundur të mësojë është se sot Adelina Merkeçi jeton në Maqedoninë e Verit ku është e martuar dhe ka sjellë në jetë edhe 3 fëmijë të tjerë. Dëshira e vetme për babain e dy fëmijëve është t’i dëgjojë zërin edhe njëherë vajzës së munguar.

Erikson Marku është një 23-vjeçar nga Lezha të cilit familja nuk ia ka dëgjuar më zërin që prej vitit 2020. Si shumë të tjerë edhe Eriksoni vendosi të emigrojë në vitin 2017 për një jetë më të mirë. Ishte data 10 prill kur ai u vendos në shtetin Francez ku punonte si kamarjer. Kontaktet i kishte të rregullta me familjen deri më 15 tetor 2020, datë e cila shënon telefonatën e fundit me nënën e tij, Zonjën Pashkë. Në këtë telefonatë ai i pohoi se ishte mirë dhe sapo kishte lënë punën. Më tej pas tentativave të shumta të familjes për tu lidhur me Eriksonin, ata nuk mundën t’ia dëgjonin më zërin. Ajo çka ka ngritur më tepër dyshimet në familje janë disa mesazhe të mbërritura në familje në dhjetor të 2021 të shkruara nga djali nga një numër tjetër ku thuhet “Jam mirë, mos ia jepni kujt këtë numër sepse më prishni punë me letrat” ndërkohë që Eriksoni ishte me letra të rregullta në shtetin Francez. Sipas tyre këto mesazhe nuk janë të shkruara nga Erikson Marku. Pasi e telefonuan sërish numrin atyre iu përgjigj një shtetas afrikan i cili u pohoi se 23-vjeçari kishte punuar për të dhe se i kishte para borxhë. Por nuk i dha më tepër detaje. Edhe pas shumë tentativave ata nuk kanë mundur të lidhen më me djalin e vogël të familjes Marku. Të merakosur për fatin e tij, ata kërkojnë ndihmën e emisionit “Pa Gjurmë” për të zbuluar misterin që fshihet pas kësaj ngjarje dhe të lidhin kontaktet me Eriksonin.

Emisioni ‘Pa Gjurmë’ në Report Tv ka zbardhur detaje nga ngjarja e rëndë në Greqi që solli vrasjen e 33-vjeçarit shqiptar nga burri i motrës, pasi ky i fundit zbuloi se i kishte përdhunuar të bijën prej moshës 9-vjeçare