Një konflikt i ashpër pronësie ndez studion e “Pa Gjurmë”. Pas vdekjes së vëllait, familja Hoxha përballet me një betejë të gjatë ligjore: ndërtuesi i banesës kërkon pagesë të dyfishtë dhe kërcënon me nxjerrjen e tyre nga shtëpia ku jetojnë prej një dekade. Në studio vijnë Olti dhe Xhoana Hoxha, të cilët rrëfejnë përplasjet e vazhdueshme me ndërtuesin dhe pretendimet se apartamenti është fituar me klering nga i ndjeri. Olti tregon se ndërtuesi mohoi madje ta kishte njohur vëllain, ndërsa sot kërkon sërish pagesën e banesës. Avokati Agron Hitaj sqaron historikun e pronës, kontratat e ndryshuara pranë OSHEE-së dhe pretendimet se ndërtuesi po tenton të përfitojë në mënyrë të paligjshme. Përballja në studio tensionohet, kur ndërtuesi Arben Çuko deklaron se banesën ua kishte dhënë për bamirësi dhe se çifti nuk ka paguar asnjë lek. Mes akuzave, dokumenteve dhe përplasjeve ligjore, çifti Hoxha kërkon vetëm drejtësi për pronën që thonë se u takon me të drejtë. Na ndiqni me Pa Gjurme çdo ditë ora 16:00, me gazetaren Odeta Dume