VLORË- Plot 28 vajza me emrin Vlora kanë vizituar ditën e djeshme qytetin e pavarësisë, emrin e të cilit ato mbajnë, ku më e vogla është vetëm gjashtë muajsh.
Vajzat gjatë vizitës kanë vizituar sheshin e Flamurit, fshatin Kaninë, por edhe te tjera ambjente të qytetit. Gjithashtu vajzat kanë bërë homazhe edhe në varrin e Ismail Qemalit, duke vendosur kurora me lule.
Vajzat me emrin Vlora duke kryer homazhe
Por jo pa qëllim janë zgjedhur pikërisht 28 vajza me emrin Vlora, numri është simbolikë për 28 nëntorin, ditën kur festohet Pavarësia e vendit.
Vajzat me emrin Vlora gjatë vizitës në qytet
Gjatë vizitës në qytetin bregdetar, 28 vajzat kanë qënë të shoqëruara edhe nga ambasadori i Shqiperisë në Kosovë, Qemal Minxozi.
Vizita të tilla janë bërë traditë nga vajzat nga Kosova me emrin Saranda, të cilat çdo vit vizitojnë qytetin të cilit i kanë marë edhe emrin.