Anëtarësimi në INTERPOL, Kosova: Nuk u pranuam për faj të Serbisë

Qeveria e Kosovës ka shprehur përmes një komunikate zhgënjimin për mosanëtarësimin e shtetit në INTERPOL.

Sipas medias kosovare “Express”, qeveria është shprehur se fushata e egër e Republikës së Serbisë dëshmoi edhe një herë qëndrimin e saj kundër Kosovës dhe kundër idesë për normalizim të raporteve midis dy palëve. “Votimi kundër pranimit të Kosovës në këtë organizatë ndërkombëtare u bën shërbim vetëm krimit dhe kriminelëve dhe askush nuk do të duhej t’i gëzohej këtij fakti”, citon media kosovare komunikatën e qeverisë.

Më tej, qeveria e Republikës së Kosovës falënderon të gjitha shtetet që votuan për anëtarësimin e saj në INTERPOL, si dhe të gjithë ata që u përpoqën ta ndihmojnë atë në këtë proces me rëndësi. Qeveria e Kosovës ka bërë me dije se konsolidimi për institucionet e saj do të vazhdojë dhe se në një të ardhme të afërt do të jetë edhe anëtare e INTERPOL-it.

Kjo është hera e tretë që Kosova aplikon për anëtarësim në INTERPOL, pasi ka aplikuar konkretisht në vitet 2010, 2015 dhe 2017.

TAG:
• kosova
• kosova
• kosova
• serbia
• Interpoli
• dialogu kosove-serbi