POP 5

Lajmet më të lexuara të 5 minutave të fundit

Sherr për rrugën në Durrës, kunati e goditi me sëpatë sapo doli nga policia, gruaja: Drejtësia e liroi! Mos na çoni në masakra si në Vlorë (VIDEO)

DURRËS-Një konflikt për motive pronësie ka degraduar në dhunë fizike ndaj një gruaje në Manzës, e cila është transportuar për mjekim të specializuar në Tiranë, pasi ka disa plagë në kokë. Qefsere Koleci 55-vjeçe është dhunuar, sipas policisë nga kunati Medi Koleci së bashku me dy djemtë e tij për shkak të sherrit për një rrugë, ku autori kishte mbjellë ullishte.

55-vjeçarja thotë se Bashkia e Durrësit iu dha atyre të drejtë dhe IKMT-ja ndërhyri dje për të hapur rrugën që kishte zënë kunati, por ky veprim ka inatosur xhaxhanë e familjarët e tij që kanë kundërshtuar me forcë efektivët. Për ngjarjen policia shoqëroi Medi Kolecin pasditen e djeshme, por pas disa orësh është liruar.

Në momentin që doli nga komisariati Medi Koleci së bashku me dy djemtë kanë dhunuar kunatën duke u hakmarrë. Ata e kanë goditur me sëpatë në kokë, ndërsa më pas, sipas djalit, i morën telefonin që të mos kishte mundësi që të njoftonte askënd dhe e hodhën në kanal. Qefsere Koleci nga Spitali i Traumës ku ndodhet aktualisht është shprehur se konflikti ka 23 vite. Gruaja 55-vjeçe i bën thirrje kryeprokurores Arta Marku që të zbardhë cështjen dhe të vendosë autorët para drejtësisë dhe “që mos të na çojnë në masakra si në Vlorë”.

Prona për të cilen u zunë

Kemi një konflikt për një rrugë, e cila është pronë shtetërore që i përket fondit pyjor, komisioni i ndarjes me ligjin 7501 ma ka lënë aty rrugën, pas 23 vitesh zotëria ma ka bllokuar. Të gjitha institucionet më kanë dhënë të drejtë, por drejtësia nuk doli. Në datë 22 shtator me urdhrin e drejtorit të INUK, Ardian Halimi me ndihmën e policisë kanë ardhur dhe kanë hapur rrugën por zotëria e ka mbyllur.

Policia e mori dje, e çoi në prokurori, e mbajti dje ditën dhe natë ne liroi prokurori i Durrësit. Kjo është dhunë në familje, janë masakruar fëmijët disa herë. I kam çuar letrat në polici, prokuroria i ka mbyllur çështjet. I bëj thirrje Arta Markut të zbardhet cështja një orë e më parë, mos të në çojë masakra si në Vlorë

Qefsere Koleci



Deklarata e Qefsere Kolecit

Si nisi konflikti për rrugën mes dy vëllezërve, autoret ne kerkim
Familja e gruas së dhunuar prej 5 vitesh endej dyerve të gjykatës për të gjetur drejtësi, pasi kunati i saj kishte zaptuar një rrugë shtetërore tek e cila Qefserja e familja e saj kalonin prej 23 vitesh për të shkuar në tokën e tyre. Djali i saj Eltoni tha se Bashkia e Durrësit ju dha atyre të drejtë dhe IKMT-ja ndërhyri për të hapur rrugën, por ky veprim ka inatosur xhaxhain e familjarët e tij.

Ai ka tentuar që të bllokojë sërish rrugën pas ndërhyrjes se IKMT, por policia e ka shoqëruar disa orë, ndërsa sapo e ka liruar, ai së bashku me djemtë në shenjë hakmarrje kanë dhunuar sot 55-vjeçaren. Disa orë pas ngjarjes së sotme në Manëz, policia arrestoi Admir Kolecin, ndërsa është në kërkim babai i tij me vëllanë tjetër.

Njoftimi i plotë:
Më datë 23.09.2018, në urgjencën e Spitalit Rajonal Durrës ka ardhur e dëmtuar shtetësia Q.K. 55 vjeçe, banuese në Armath, Manëz, Durrës, e cila është dërguar për mjekim të specializuar në QSUT Tiranë.

Nga veprimet hetimore të kryera rezulton se autorët e dyshuar janë shtetasit M.K. 61 vjeç dhe dy djemtë e tij, shtetasit A.K. 28 vjeç dhe A.K. 32 vjeç, të cilët në bashkëpunim me njëri - tjetrin, për motive pronësie janë konfliktuar dhe kanë goditur me sende të forta shtetasen Q.K.

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale " Vrasja për shkak të marrëdhënieve familjare“ e mbetur në tentativë e kryer në bashkëpunim parashikuar në nenet 79/c, 22, 25 te Kodit Penal.

f.g./d.ba.
Komento

Komente

  • Dini: 23/09/2018 17:06

    Nuk ka më shtet këtu mor jooooo merrni armët dhe mbrohuni

    Përgjigju
    • Fredi: 23/09/2018 23:08

      Po cfare shteti thua o Dini, ketu njerezit jane cmendur fare.

    • Babalja: 23/09/2018 20:24

      Per ju kopilat e shqupit, vetem destabilizimi i vendit eshte opcion qe ju shpeton nga drejtesia mbas vetingut! Eshte e njejta gjuh qe perdor salehu bashke me lulen e tij, dhune dhe kaos.