Fshehu dënimin në Itali, Prokuroria nis hetimet për gjyqtarin e Gjykatës së Lartë, Admir Thanza

Prokuroria e Përgjithshme ka nisur sot hetimet për gjyqtarin e Gjykatës së Lartë, Admir Thanza. Hetimi ka nisur nga Seksioni i Dekriminalizimit në organin e Akuzës, pasi gjyqtari Thanza akuzohet për deklarim të rremë në formularin e vetëdeklarimit.

Një ditë më parë, gjyqtari i Gjykatës së Lartë kaloi në ‘sitën’ e Vettingut, ku rezultoi me një sërë problemesh. Nga hetimi i thelluar i KPK, rezultoi se Thanza ka fshehur një dënim për vjedhje në Itali, duke mos e deklaruar në formularin e dekriminalizimit.

Report Tv ka siguruar sot formularin e Thanzës, në të cilin gjyqtari shkruan se nuk ka qenë i dënuar ndonjëherë. Ndërkohë, Prokuroria i ka kërkuar KPK dokumentin e dënimit për Thanzën, të siguruar nga Operacioni Ndërkombëtar i Monitorimit (ONM).


(Formulari i vetëdeklarimit i gjyqtarit Admir Thanza)

Gjithashtu, gjyqtari kishte probleme dhe me pasurinë, pasi rezultonte me një sërë apartamentesh nga Shkodra në Tiranë, për të cilat nuk justifikonte pasurinë. Përveç këtyre, gjyqtari Admir Thanza rezultoi me probleme dhe sa i takon pastërtisë së figurës. Nga të dhënat e DSIK rezultonte se gjyqtari kishte kontakte të papërshtatshme me elementë kriminalë.

Njoftimi i Prokurorisë për nisjen e hetimit ndaj Thanzës:
Drejtoria e Marrëdhënieve Juridiksionale me Jashtë po vlerëson materialet dhe dokumentacionin e anëtarit të Gjykatës së Lartë, gjyqtarit Admir Thanza për shkelje të ligjit Nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.

LEXO EDHE:
Çela raporton për vitin 2023 në KLP: Vit sfidues prej hartës së re gjyqësore! Kemi 198 prokurorë në total, mungojnë 123 prokurorë

Administrimi i materialeve për hetimin kryesisht për fshehje apo deklarim të rremë filloi pasi Prokuroria e Përgjithshme u njoh me deklaratat në Komisionin e Pavarur të Kualifikimit të subjektit në rivlerësim, gjyqtarit Admir Thanza.

Pas administrimit të materialeve me të dhënat nga KPK dhe ILDKPI do të procedohet për vlerësim në Prokurorinë përkatëse.

TAG:
• vettingu
• KPK
• prokuroria e pergjithshme
• admir thanza

Sondazhi i ditës:

Rithemelimi propozon votimin e detyrueshëm, jeni dakord?

• Po

  18.9%

• Jo

  75.7%

• Nuk e di

  5.3%

Vota total: 243

• Sondazhi i ditës:

  Rithemelimi propozon votimin e detyrueshëm, jeni dakord?

  Po Jo Nuk e di