Kurti sulmon të dorëhequrit: Synuan të shkatërrojnë Vetëvendosjen

Kryetari i VV-së, Albin Kurti, ka akuzuar në këtë mbledhje deputetët e larguar nga partia e tij, duke thënë se ata e kanë dëshiruar shkatërrimin e Vetëvendosjes.

“Ishim një hap para fitores kur morëm një goditje të rëndë nga brenda e nga jashtë. Ata dëshiruan ta shkatërrojnë Vetëvendosjen, por ne jemi një hap larg fitores. Anëtarësimet e reja, sondazhet, qytetarët e konfirmojnë këtë. Me më shumë punë, lëvizja mund të vijë në pushtet”, tha Kurti, raportojnë mediat kosovare.

Kryetari i VV-së pati fjalë të rënda edhe për qeverinë e Kosovës. Ai tha se qeveria që udhëhiqet nga Haradinaj synon të kryejë vetëm punë të këqija për vendin. Këtu ai përmendi Asociacionin, dhe dialogun me Serbinë. “Ia kemi falur 8 mijë e 200 hektarë tokë Malit të Zi. Asociacioni po mbetet në verë, pasi qytetarët janë të zhvendosur nga politika”, tha Kurti.

LEXO EDHE:
Jakin Marena: ‘Mistreci’ i vogël Albin, ‘vëllai’ i madh Rama dhe shqiptarët në RMV

Ai theksoi se dialogu me Serbinë duhet të përfundojë me njohje reciproke. “Kosova ka dështuar në rrugën e integrimit evropian, pasi Thaçi e do këtë rrugë nga Beogradi. Ai i frikësohet shumë Gjykatës Speciale”, tha Albin Kurti.

TAG:
• kosove
• Albin Kurti
• vetevendosja

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.8%

• Keq

  61%

• Nuk e di

  14.2%

Vota total: 1109

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di