Kuvendi mblidhet dy herë brenda javës/ Do të rrëzohet dekreti i Metës për buxhetin dhe Vettingu në Politikë

TIRANE-Grupi i Partisë Socialiste ka vendosur që brenda kësaj jave të zhvillohen dy seanca në Kuvendin e Shqipërisë. E para do të jetë ditën e enjte, ku parashikohet që të rrëzohet dekreti i Presidentit Meta për buxhetin, i cili e riktheu për shqyrtim për të reflektuar kërkesat e studentëve. 

Gjithashtu këtë të enjte do të votohen edhe 3 propozimet e qeverisë për Këshillin Mbikëqyrës së Bankës së Shqipërisë. Kandidatët e propozuar nga qeveria janë Suela Popa, Edlira Luçi dhe ish-ministri i Financave në kohën e PD-së, Ridvan Bode.

Ndërsa seanca e dytë do të zhvillohet ditën e premte për vettingun në politikë. Nisma e PD është rrëzuar nga Komisioni i Venecias, ndërsa të premten pritet që të rrëzohet edhe drafti i PD-së që u depozitua në Kuvend në datë 7 shtator. Ende nuk dihet nëse PD dhe LSI do të marrin pjesë në seancën e ditës së enjte.

TAG:
• grupi i ps
• vettingu ne politike
• buxheti 2019