'Magjia' e çajit të hithrës në shëndetësi

Dhimbjet e kyçeve vijnë për shkak të sëmundjeve dhe problemeve të ndryshme shëndetësore, duke i lënë pacientët në agoni dhe vuajtje. Këto dhimbje trajtohen me disa kura mjekësore, dhe një prej më të mirave është ajo e hithrës. Kjo bimë është shumë efikase në zbutjen e dhimbjeve. Ajo lufton inflamacionin në organizëm, pakëson enjtjen dhe largon dhimbjen.
Një nga mënyrat më të mira për të përfituar nga këto vlera është çaji i hithrës së freskët ose të thatë. Çaji i hithrës përmban shumë minerale të shëndetshme përfshirë kalciumin, magnezin dhe hekurin. Kjo e bën këtë çaj,të jashtëzakonshëm për njerëzit që vuajnë nga anemia, por edhe për parandalimin e sëmundjes që gërryen kockat me kalimin e moshës.

Çaji i hithrës së freskët
Për këtë çaj ju nevoijitet një filxhan çaji me hithra të freskëta dhe dy filxhanë çaji me ujë. Mbani doreza gjatë pastrimit të hithrave dhe lajini me ujë të bollshëm. Më pas, hidhini në tenxhere dhe lërini të marrin një valë. Uleni zjarrin dhe lërini të ziejnë për pak kohë. Menjëherë më pas kullojeni lëngun dhe pijeni. Shtojini mjaltë nëse dëshironi.

Çaji me gjethe të thata hithre
Merrni një lugë çaji me gjethe të thata dhe hidhini në një çajnik me rreth 2 gota ujë. Ziejeni për 10 minuta. Pasi ta kulloni lëngun, shtoni mjaltë për ta ëmbëlsuar dhe pak kanellë që ndihmon kundër inflamacionit.

Çaji duhet pirë i ngrohtë
Mund të pini një ose dy gota në ditë për sa kohë ta ndjeni veten më mirë. Çaji i hithrës është i fortë dhe ka një efekt të menjëhershëm në organizëm, për shkak të flavonoidëve, karotenoidëve, vitaminave dhe mineraleve. Hithra është veçanërisht e pasur me kalcium dhe magnez, madje më shumë se barishtet dhe zarzavatet e tjera. Flavonoidët dhe karotenoidët që gjenden tek çaji i hithrës, së bashku me sasinë e lartë të vitaminës C, i japin kësaj pijeje efikasitet të plotë në lidhje me fuqizimin e sistemit imunitar. Aplikimet e ndryshme të hithrës janë po aq efikase, madje më të drejtpërdrejta, por gjithnjë sugjerohet ta pini çajin e hithrës për të përfituar më shumë prej tij.AgroWeb

LEXO EDHE:
Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

TAG:
• caj hithre

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  25%

• Keq

  60.8%

• Nuk e di

  14.2%

Vota total: 1628

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di