Negociatat, Bushati: Shqipëria ka
mbështetjen e vendeve të Vishegradit
Ministri i Punëve të Jashtme Ditmir Bushati mori pjesë në Konferencën vjetore të Ministrave të Punëve të Jashtme të vendeve të Vishegradit (Çeki, Hungari, Poloni, Sllovaki) dhe atyre të Ballkanit Perëndimor, që u zhvillua në Varshavë më 29 nëntor 2016 në kuadrin e Presidencës polake të Grupit të Vishegradit.
Ministri i Punëve të Jashtme Ditmir Bushati mori pjesë në Konferencën vjetore të Ministrave të Punëve të Jashtme të vendeve të Vishegradit (Çeki, Hungari, Poloni, Sllovaki) dhe atyre të Ballkanit Perëndimor, që u zhvillua në Varshavë më 29 nëntor 2016 në kuadrin e Presidencës polake të Grupit të Vishegradit. Në takim morën pjesë edhe Përfaqësuesja e Lartë e Bashkimit Evropian për Punët e Jashtme dhe Politikat e Sigurisë Federica Mogherini, si dhe Ministrat e Punëve të Jashtme të Rumanisë, Sllovenisë, Kroacisë dhe Nënsekretari italian i Shtetit.
Krahas mekanizmave për përforcimin e bashkëpunimit midis dy rajoneve, diskutimet u përqendruan në ecurinë e procesit të zgjerimit të BE, jo vetëm si një proces teknik por edhe si një instrument në përballjen me sfidat e sigurisë në Europë. Në këtë kuadër, vendet e Vishegradit ritheksuan gatishmërinë e tyre për të mbështetur integrimin e përshpejtuar të vendeve të Ballkanit Perëndimor. Linjëzimi i plotë me politikën e jashtme dhe të sigurisë të BE-së, si në rastin e Shqipërisë, u evidentua si element i rëndësishëm i këtij procesi.
Në mënyrë më specifike për vendin tonë, vendet e grupit të Vishegradit mirëpritën rekomandimin e komisionit Evropian për hapjen e negociatave të anëarësimit të Shqipërisë me Bashkimin Evropian dhe shprehën mbështetjen për caktimin sa më shpejt të një date për fillimin zyrtar të negociatave. Ata vlerësuan progresin e Shqipërisë, sidomos për reformën e sistemit të drejtësisë, dhe kërkuan që ky progres të reflektohet qartë në konkluzionet e Këshillit të BE-së në dhjetor.
Duke u ndalur në rrugëtimin evropian të Shqipërisë në BE, Ministri Bushati vlerësoi si tepër të rëndësishëm rolin e vendeve të Vishegradit dhe mbështetjen e tyre të vazhdueshme.
Në fjalën e tij, Ministri u ndal mbi rëndësinë e vijimit të axhendës së zgjerimit si një element thelbësor për rajonin tonë por edhe për vetë BE-në. Duke informuar mbi progresin e vazhdueshëm në zbatimin e reformave të ndërmarra nga qeveria shqiptare, Ministri Bushati theksoi se “zbatimi i ligjit të rivlerësimit të gjyqtarëve dhe prokurorëve, është hapi kyç për të vijuar me vendosmëri në procesin e hapjes së bisedimeve për anëtarësim me Bashkimin Europian".
Lidhur me ridimensionimin e strukturave të bashkëpunimit rajonal, Ministri Bushati u shpreh se, tanimë, vendet e rajonit duhet të përcaktojnë objektiva konkretë në bashkëpunimin e tyre, veçanërisht për të lehtësuar lëvizjen e të rinjve dhe krijimin e vendeve të reja të punës për ta.
Ministri Bushati nënvizoi se “procesi i zgjerimit të BE është një proces teknik që ka të bëjë me përmbushje kushtesh specifike, por ai duhet të ketë dhe një frymë politike, e cila po i mungon. Kjo frymë politike është e domosdoshme në këtë periudhë sfidash sigurie, si për BE ashtu edhe për rajonin".
Redaksia Online
l.q/Shqiptarja.com
Sondazhi i ditës:
Si e vlerësoni funksionimin e Gjykatave dhe Prokurorive në qarqe?
-
Mirë
25.1%
-
Keq
60.8%
-
Nuk e di
14.2%
Vota total: 1603
Lajme të tjera
-
OKB: Lufta ka shkaktuar 37 milionë ton mbeturina në Gaza, duhen 14 vite për t’i pastruar
26 Prill, 22:41
-
CRIME STORY: Sabotimi i dytë i 21 janarit, publikohen dokumentet e panjohura të hetimit, krerët e policisë nuk zbatuan urdhrat e ndalimit për gardistët
26 Prill, 22:14
-
Lituania mbështet idenë e dislokimit të armëve bërthamore të NATO-s në Poloni
26 Prill, 21:56
-
Spekulimet se po bëheshin gati për funeralin/ Buckingham Palace: Mbreti Charles do të kthehet së shpejti në detyrë
26 Prill, 21:56
-
Prag sezoni turistik, dezinsektimit do të nisë nga Shkodra! Koçiu: Gati për sezonin! Beci: Në kohën e duhur
26 Prill, 21:53
-
Joe Biden i gatshëm për debat me Donald Trumpin
26 Prill, 21:45
-
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë
26 Prill, 21:24
-
Serbët më zhdukën dhe vranë mamanë! Sigurimi shqiptar më ka ndjekur! Takimet e mia me Ramiz Alinë dhe Nexhmie Hoxhën!
26 Prill, 21:22
-
FNSH dhe policia kontrolle blic në Fushë Krujë, blindohet edhe Vlora (Video)
26 Prill, 21:13
-
Meta jep porositë e fundit para Konventës: Të gjithë si Tedi Blushi! Ashtu bëhet opozitë
26 Prill, 20:59
-
Nga biçikletat e para te makinat e komunizmit, Bajram Peçi rrëfen Shqipërinë e vjetër motorike!
26 Prill, 20:33
-
Burri nga Holanda 613 ditë i infektuar me COVID, iu gjetën mutacione të virusit
26 Prill, 20:16