8 orë seancë mes gazit lotsjellës, Kosova voton Demarkacionin

PRISHTINE - Pas 8 orë seance të tensionuar ku u hodh katër herë gaz lotsjellës, Kuvendi i Kosovës ka votuar Demarkacionin me Malin e Zi. 

Me 80 vota pro dhe 11 kundër, koalicioni qeveritar bashkë me LDK-në miratuan përcaktimin e vijës kufitare me Malin e Zi. Hera e pestë e mbledhjes së Kuvendit ishte vendimtarja, pasi 4 herë seanca u ndërpre nga gazi lotsjellës i hedhur nga deputetët e Vetëvendosjes. Pas këtij vendimi, qytetarët e Kosovës shumë shpejt do të kenë mundësi të lëvizin lirshëm pa viza në zonën "Schengen". Demarkacioni ishte një nga kushtet e vendosura nga Brukseli për Prishtinën për të përfituar nga marrëveshja e "Schengen"-it. 

Në seancën e sotme, Kuvendi u përball për më shumë se tetë orë me gazin e deputetëve të Vetëvendosjes. Marrëveshja për Demarkacionin me Malin e Zi e nënshkruar në Vjenë në vitin 2015, kishte krijuar një situatë të tensionuar në Kuvend dhe jashtë saj gjatë kohës sa në krye ishte Isa Mustafa. Kuvendi u përballë me gaz lotsjellës e gjësende të ndryshme edhe në të kaluarën nga opozita.

LEXO EDHE:
7 orë diskutime të tensionuara Kosovë-Serbi në Bruksel! Lajçak paraqet propozim kompromisi për çështjen e dinarit! Bislimi: Përafron palët

Pamundësia për ta çuar më tej marrëveshjen me Malin e Zi, kishin rezultuar në rrëzimin e qeverisë Mustafa. Mocioni i nisur nga opozita atëkohë, u përkrahë edhe nga partneri qeverisës i Mustafës, PDK-ja.

Seanca u ndërpre 4 herë nga gazi lotsjellës

Për herë të katërt brenda ditës është ndërprerë seanca për miratimin e vijes kufitare me Malin e Zi në Kuvendin e Kosovës për shkak se është hedhur gaz lotsjellës nga deputetët e Vetëvendosjes. Rreth orës 12:00 u ndërpre për herë të parë seanca, pasi u hodh gaz lotsjellës, ndërsa rreth orës 13:00 u përsërit e njëjta e njëjta situatë. 


(Momenti kur në Kuvend hidhet gaz lotsjellës)

Herën e parë dhe të dytë gazin e hodhën deputetët e Vetëvendosjes Xhelal Sfeçla, Fitore Pacolli, Drita Millaku, Salih Zyba dhe Liburn Aliu, të cilët janë përjashtuar nga seanca plenare. Në orën 15:30 rifilloi për herë të tretë seanca për të votuar për marrëveshjen, por sërish u ndërpre po për të njëjtën arsye, deputetët hodhën gaz lotsjellës.

Gazi lotsjellës është hedhur nga deputetët e Vetëvendosjes, e cila është kundër marrëveshjes me Malin e Zi. Gazi lotsjellës është një skenar i cili është i përsëritur në kuvendin e Kosovës, ku edhe gjatë qeverisjes së Isa Mustafës është hedhur disa herë.

Presidenti Hashim Thaçi ka dënuar veprimet e Vetëvendosjes, ndërsa shumica është shprehur e vendosur për të votuar marrëveshjen e demarkacionit. Seanca ka nisur që ditën e djeshme, ndërsa u ndërpre mbrëmë për të vijuar sot, tashmë pritet te rifilloje ne oren 16:30.

Përgëzimi i kreut të PD-së shqiptare Lulzim Basha

Miratimin e demarkacionit të kufirit Kosovë-Mal i Zi nga ana e parlamentit kosovar e ka përshëndetur edhe kryetari i Partisë Demokratike të Shqipërisë Lulzim Basha. Në komentin e tij në rrjetet sociale Basha e ka cilësuar votimin e sotëm të parlamentit në Prishtinë si një hap i sigurt integrues i Kosovës drejt BE-së.

“Pershendes votimin e sotem nga Kuvendi i Kosoves te ligjit te Demarkacionit me Republiken e Malit te Zi. Ky akt eshte nje kontribut thelbesor ne marredheniet e fqinjesise se mire dhe stabilitetit ne rajon. Partia Demokratike fuqimisht beson se ky akt eshte nje hap i sigurte i Kosoves drejt proceseve integruese. 

Ky votim eshte nje lajm i mire per Kosoven dhe miqte e saj. Partia Demokratike si ne cdo ore te historise se saj mbeshtet me ndjenje vellazerore dhe ne respekt te institucioneve te Kosoves cdo hap drejt integrimit euro-atlantik, konsolidimit te shtetit dhe mireqenies se popullit te Republikes se Kosoves”. 

Lulzim Basha, kryetar i PD

TAG:
• kosove
• demarkacioni

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  23%

• Keq

  63.4%

• Nuk e di

  13.7%

Vota total: 644

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di