Pritet të marrë mandatin e Tahirit, reagon për herë të parë Spartak Braho

Spartak Braho është emri pasues në listën shumëemërore të kandidatëve të PS në Qarkun e Tiranës, i cili pritet të marrë mandatin e lënë nga Saimir Tahiri. Ai renditet i 19-ti në listën e socialistëve dhe sipas kësaj liste të dorëzuar në KQZ, por në zgjedhjet parlamentare të 25 qershorit, PS arriti të marrë 18 mandate, duke lënë jashtë pikërisht Brahon. 

Gjatë një prononcimi për Report Tv, Braho ka thënë se nuk e ka vendosur ende nëse do pranojë të rikthehet në ulëset e Kuvendit, për të zënë vendin e lënë bosh nga ish-ministri i Brendshëm. Sipas tij, më p[arë duhet të shprehet KQZ-ja.

Akoma nuk e kam vendosur. Duhet të shprehet Komisioni Qendror i Zgjedhjeve njëherë. 

Spartak Braho, ish-deputet i Kuvendit të Shqipërisë

Më herët gjatë ditës, ish-deputeti i PS dhe njëherazi ish-ministër i Brendshëm, dorëzoi mandatin e deputetit dhe u shpreh se do vijojë betejën me drejtësinë pa 'petkun' e ligjvënësit. Spartak Braho në të kaluarën është zgjedhur deputet edhe nga listat e Lëvizjes Socialiste për Integrim. 

LEXO EDHE:
Largimi i Braimllarit nga PL, Braho në Report Tv: Nesër do të dalë edhe Elona Guri, e ka përzënë Meta! Ka paranoja, dyshon edhe për Monikën

TAG:
• kqz
• saimir tahiri
• spartak braho
• saimir tahiri dorezon mandatin e deputetit

Sondazhi i ditës:

A ka politika frikë nga SPAK-u?

• Po

  68.8%

• Jo

  26.2%

• Nuk e di

  5%

Vota total: 4258

• Sondazhi i ditës:

  A ka politika frikë nga SPAK-u?

  Po Jo Nuk e di