'Të ndihmova me lekë, më shkatërrove'! Zbulohen SMS-të e Xhaferr Matës për Xhuljeta Çunin para vrasjes

Viktimat e krimit të pasionit shënuar një ditë më parë në lagjen ‘Don Bosko’, në Tiranë, janë përcjellë për në banesën e fundit. Nga hetimet paraprake të policisë, rezulton se shkak i krimit kanë qenë marrëdhëniet e acaruara dhe refuzimi për t’u rilidhur që Xhuljeta Çuni i bënte Xhaferr Matës.

Report Tv ka zbardhur disa nga mesazhet e shkëmbyera së fundmi mes dy të rinjve. Një ditë para krimit Mata bënte përgjegjës Çunin, ku i shkruante “Më detyrohesh shumë, prej teje shkatërrova familjen, lashë gruan dhe fëmijën, të kam ndihmuar dhe me para”.

E reja ka refuzuar t’i përgjigjet mesazheve të Matës, të cilin disa herë e kishte denoncuar në Komisariatin numër tre për kërcënim, përndjekje dhe mesazhet fyese. Por paçka shoqërimit nga policia, Mata kishte premtuar tek Inspektori i Rendit në zonë se nuk do t’i sillte më asnjë shqetësim 19-vjeçares Xhuljeta Çuni.

Policia e Shtetit ka marrë masa për të shmangur konfliktet mes dy familjeve, duke vendosur patrullime të shtuara në zonë dhe duke mbajtur në vëzhgim familjarët e dy familjeve, bëjnë me dije burime për Report Tv.

Siç shihet në fotot e mëposhtme, forca policore janë vendosur përreth shtëpisë së 31-vjeçarit për të shmangur thellimin e tragjedisë.



Policia në shtëpinë e Xhaferr Matës për të shmangur konfliktet mes dy familjeve

Rendit zhvillimet sipas orarit:
Ora 14:02
U vra rrugës për në provimin e letërsisë, mesazhi prekës i maturantëve për Xhuljana Çunin

Maturantët e gjimnazit ‘Qemal Stafa’ u përballën ditën e djeshme me një lajm tragjik, vetëm dy orë para se të futeshin në provimin e Gjuhës Shqipe dhe Letërsisë. 31-vjeçari Xhaferr Mata i mori jetën 19-vjeçares Xhuljeta Çuni, e cila ishte nisur për në provimin e Maturës Shtetërore.

Maturantët e kësaj shkolle, ku ishte pjesë e 19-vjeçarja Çuni, kanë përcjellë sot të renë për në banesën e fundit. Në një mesazh në faqen zyrtare të gjimnazit ‘Qemal Stafa’ në ‘FAcebook’ thuhet se dhimbja është e madhe për këtë humbje tragjike.

Sot, ne oren 12-00, percollem per ne banesen e fundit maturanten tone, Xhuljeta Çuni... Dhimbja eshte e madhe... Zoti u dhente force familjareve per ta perballuar humbjen e bijes se tyre, te mires, te bukures Xhuli. Do na mungosh te gjitheve Xhuljete!

Mesazhi i maturantëve të gjimnazit 'Qemal Stafa'


(Mesazhi i maturantëve të 'Qemal Stafa')

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 10/06/2018 10:35

    Bajgëri e gjallë prapambetjeje

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht