POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/Kekë të vegjël me kungull të njomë dhe Qofte me qull e arra

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Receta e parë :Kekë të vegjël me kungull të njomë

Përbërësit:

400 gr kunguj të njomë

½ qepë

Majdanoz

100 gr gjizë

3 kokrra vezë

230 gr miell

1 lugë çaji pluhur pjekës

60 ml vaj ulliri

70 ml qumësht

Kripë dhe piper i zi

6 domate qershi

Përgatitja:

Fillimisht kaurdisim qepën me 1 lugë gjelle vaj ulliri sa të zbutet. Vezët i hedhim në  një tas . shtojmë kripë piper të zi dhe i rrahim mirë. Shtojmë gjithashtu 3 lugë gjelle vaj ulliri, 100 ml qumësht, kungullin e grirë në rende, miell, pluhur pjekës , qepën e zbutur dhe gjizën. I ndajmë në forma, i vendosim një gjysëm domate në qendër dhe i vendosim në furrën e parangrohur në temperaturë 180ºC për 25-30 minuta.

Receta e dytë: Qofte me qull dhe arra

Përbërësit:

400 gr mish i grirë

50 gr sallam parizier

1 kokërr qepë

1 fetë bukë

1 kokërr vezë

Kripë dhe piper i zi

Majdanoz

Për salcën:

2 lugë gjelle miell

3 lugë gjelle vaj ulliri

2 gota ujë

2 lugë gjelle uthull

2 thelpinj hudhër

2-3 lugë gjelle arra të shtypura

1 dafinë

Kripë dhe piper

Përgatitja:

Përgatitet brumi i qofteve dhe lihet të pushojë. Përgatiten qofte me madhësi mesatare , pudrosen lehtë me miell dhe skuqen. ( I lëmë mënjanë të mbuluara).

Skuqim 2 lugë gjelle miell. E shuajmë me ujë dhe na formohet një salcë jo shumë e trashë. E lëmë të ziejë për 3 minuta dhe e largojmë nga zjarri. Shtypi  hudhrat, shtojmë në to uthull dhe i hedhim tek salca. Shtojmë 2-3 lugë gjelle arra të shtypura mirë. Shërbehen qoftet me salcën e përgatitur. Nëse i duam qoftet e buta, i japim një valë 2 minuta së bashku me qullin dhe i shërbejmë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

26 Prill, 22:49