POP 5

Lajmet më të lexuara të 5 minutave të fundit

Velipojë/ Sipërmarrësit i ankohet zv.Kryeministres Mesi: Ne investojmë, shteti s’bën asgjë! S’bëhet turizmi me çoban

Takimi i zhvilluar në Velipojë, mes Senida Mesit dhe sipërmarrësve

Zv/kryeministrja Senida Mesi, ka zhvilluar një takim me sipërmarrësit në Velipojë, ku ka dëgjuar ankesat dhe problemet e tyre. Sipërmarrësit i kanë thënë Mesit se kanë investuar në këtë zonë, por në këmbim, shteti nuk ka kthyer në këmbim, as rrugë, ndriçim apo gjelbërim.

Ne investojmë por shteti nuk po bën asgjë. Kërkojmë rrugë, infrastrukturë, terminal autobuzësh për turistët, ndriçim dhe gjelbërim. Duhet diferencim i bizneseve sipas kategorive të klasit jo si banesat si resorteve. Duhet shkollë turizmi jo të mbahet turizmi me njerëz të paarsimuar. Nuk bëhet turizëm me çoban. Faje ka dhe bashkia, unë jam i majtë por kuptoj që fëmija kur s’ka forcë duhet t’i japë një dorë prindi. Lejet për plazhin publik nuk duhet t’i japë ministria në gjysëm të korrikut dhe t’ja ngopë Bashkisë. Nuk mund të kërkojmë shkollë turizmi kur nuk kemi ujë, drita dhe rrugë.

Sipërmarrësit në takimin me Mesin

Takimi i zhvilluar në Velipojë me sipërmarrësit dhe zv/kryeministren Senida Mesi

f.g.
Komento