Vodhi dy banesa në Librazhd, pranga 25-vjeçarit nga Tirana

LIBRAZHD- Një 25-vjeçar ka rënë në prangat e policisë pasi dyshohet se është autori i vjedhjeve të dy banesave. 

Bëhet fjalë për Elton Mustën, banues në Tiranë, i cili u kap në flagrancë në makinën e tij, brenda të cilës ndodheshin edhe sendet e vjedhura.

Në cilësinë e provës materiale u sekuestruan: dy TV “Samsung”, laptop, fshesë korenti, si dhe një moto-korrse bari.

Njoftimi i plotë:

Librazhd 

Arrestohet në flagrancë një 25 vjeçar i dyshuar si autor i dy vjedhjeve të banesave.

Sekuestrohen në cilësinë e provës materiale sendet e vjedhura. 

Specialistët e Hetimit të Krimit në Komisariatin e Policisë Librazhd, me të marrë njoftimin për vjedhjen e dy banesave të shtetasve D. M., dhe Z. M., në fshatin Dorëz, Librazhd, organizuan punën për identifikimin dhe kapjen e autorëve të këtyre vjedhjeve.

Në sajë të një pune të mirëorganizuar si dhe nga informacionet e marra në rrugë operative u bë e mundur ndalimi i automjetit tip "Mercedes-Benz" që drejtohej nga shtetasi Elton Musta, 25 vjeç me banim Tiranë, i cili po transportonte me automjetin e mësipërm sendet e vjedhura konkretisht: 

Dy TV “Samsung”, laptop, fshesë korenti, si dhe një moto-korrse bari etj. Sendet e mësipërme u sekuestruan në cilësinë e provës materiale.

Në përfundim të veprimeve u bë arrestimi në flagrancë i shtetasit Elton Musta 25 vjeç, banues në Tiranë, për veprën penale të “Vjedhjes” parashikuar nga neni 134 i Kodit Penal.

/b.ha./Shqiptarja.com

TAG:
• Tirane
• librazhd
• elton musta
• vidhen banesat