X

POP 5

Lajmet më të lexuara të 5 minutave të fundit

Kronikë

Vrau kreun e njësisë Administrative në kafenenë e fshatit, gjykata e Vlorës lë në burg 43-vjeçarin (VIDEO)

Autori nuk ka deklaruar asgjë sot në Gjykatën e Shkallës së Parë në Vlorë ku u zhvillua seanca, por vetëm ka shfaqur pendim për krimin.

Gjykata e Vlorës ka dhënë sot masën e sigurisë “arrest me burg”, për Admir Delaj, i arrestuar si autori i vrasjes së Fatmir Hodos, ngjarje kjo e ndodhur ditën e premte në fshatin Kote.

Në gjykatën e Shkallës së Parë Vlorë, ka dalë Delaj, ndërkohë që seanca kryesohej nga gjyqtari Hektor Harizaj, ndërsa prokuror i çështjes ishte Maksim Sota. Seanca është zhvilluar me dyer të mbyllura, dhe mediat janë lejuar të qendrojnë vetëm gjatë minutave të para.

43-vjeçari Admir Delaj akuzohet për veprën penale “Vrasje me dashje”. Ai qëlloi me një armë gjahu administratorin e njësisë administrative Kote, të bashkisë Selenicë, pas një konflikti. Sipas njoftimit policor, viktima dhe autori ishin së bashku në tavolinën e një lokali duke konsumuar pije alkoolike, kur pasi 43 vjeçari ka qëlluar me çifte në drejtim të Hodos.

Admir Delaj sot në Gjykatën e Shkallës së Parë në Vlorë

Sipas burimeve të Report Tv, Hoda është konfliktuar me Delajn për cështje pronësie. Pasi e qëlloi me armë gjahu në lokalin në qendër të fshatit, Fatmir Hodo ngeli i vdekur në vend. Ndërkohë që gjatë seancës që u zhvillua sot, Delaj nuk deklaroi asgjë, por vetëm shfaqi pendim për vrasjen e kryetarit të njësisë administrative Kote.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

OKB: Lufta ka shkaktuar 37 milionë ton mbeturina në Gaza, duhen 14 vite për t’i pastruar

OKB: Lufta ka shkaktuar 37 milionë ton mbeturina në Gaza, duhen 14 vite për t’i pastruar

26 Prill, 22:41