FIER- Një zjarr masiv ka përfshirë një magazinë duraluminesh në Zharrëz të Fierit. Pas njoftimit menjëherë në vendngjarje kanë mbërritur forcat zjarrëfikese.
Përveç tyre, në vendngjarje ka mbërritur edhe policia, e cila ka kryer hetimet e nevojshme dhe sipas tyre zjarri është shkaktuar nga pakujdesia pasi banorët e zonës i kishin vënë zjarrin tokave të tyre për t’i pastruar nga barishtet, por flakët kanë dalë jashtë kontrollit duke u përhapur e për pasojë kanë djegur edhe magazinën.
Efektivët e policisë kanë nisur punën për të zbuluar autorët e zjarrvënies, të cilët edhe pritet të shoqërohen nga uniformat blu.