Italia rrezikon pjesëmarrjen në fazën finale të Europianit 2024. Të kaltrit e Spallettit janë kampionët në fuqi të këtij eventi, teksa u mundën 3-1 në përmbysje nga Anglia në "Wembley", pikërisht në stadiumin ku kundër anglezëve ngritën trofeun e kampionit për Euro 2020. Pas kësaj fitoreje, Anglia bëhet skuadra e tetë që merr një biletë për në "Gjermani 2024".

Për ndeshjen e grupit C kualifikues, miqtë italianë kaluan të parët në avantazh me Scamacca në minutën e 15-të. Në të 32-të minutë Harry Kane shënoi nga pika e bardhë e penalltisë për ekuilibrat 1-1.

Në fraksionin e dytë të lojës, të besuarit e Southgate morën kontrollin e lojës dhe shënuan dy herë të tjera. Fillimisht Rashford në të 57 minutë i dha epërsinë vendasve, teksa ishte kapiteni Kane që në minutën e 77 shënoi dopietën personale në këtë përballje dhe golin e tretë për "Tre Luanët".

Kësisoj, Anglia me këtë sukses ngjitet në kuotën e 16 pikëve në vendin e parë dhe kalon më tej si e kualifikuar, duke lënë pas Ukrainën me 13 pikë, që sot fitoi 3-1 me Maltën. Italia me 10 pikë dhe dy ndeshje për të luajtur (Ukrainë dhe Maqedoni e Veriut) rrezikon mos marrë pjesë në Euro 2024 me formën e treguar.

Në ndeshjet e tjera të kësaj mbrëmjeje, Serbia fitoi 3-1 kundër Malit të Zi, Sllovenia mundi 0-1 Irlandën e Veriut, Danimarka fitoi 1-2 kundër San Marinos jo pa vështirësi dhe Lituania e Hungaria barazuan 2-2.

S.Dh/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera