Bota

Presidenti Joe Biden do të vizitojë të shtunën Floridën për të parë nga afër dëmet e shkaktuara nga uragani Idalia, e garantuar mbështetje për popullatën e prekur nga stuhia. Gjatë qëndrimit të tij atje, ai nuk pritet të takohet me Guvernatorin republikan të shtetit Ron DeSantis, njëkohësisht një prej rivalëve të mundshëm të tij në garën për president.

Forcat policore në Izrael janë përplasur me dhjetëra azilkërkuesve nga Eritrea, ku efektivët kanë përdorur kundër protestuesve granata dhe gaz lotsjellës, ku si pasoje e përplasjeve, 114 persona kanë mbetur të plagosur

Europol ka zhvilluar një operacion në bashkëpunim me policinë e Brazilit, Portugalisë, Francës, Serbisë, Kroacisë, Polonisë, Sllovenisë dhe Spanjës ka bërë të mundur 'zbërthimin' e një karteli ballkanik që merrej me trafikimin e sasive të mëdha të kokainës nga Amerika e Jugut në drejtim të Evropës.

Në Izrael, aktivistët e të drejtave të grave janë gjithnjë e më shumë të shqetësuar lidhur me përpjekjet e qeverisë së re për të ndarë burrat dhe gratë në hapësirat publike. Aktivistët e të drejtave të grave kanë qenë në frontin e parë të protestave kundër qeverisë aktuale, që vazhdojnë prej tetë muajsh.

Një ish-kryeministër italian, Giuliano Amato, në një intervistë pretendoi se një raketë e forcave ajrore franceze rrëzoi aksidentalisht një avion pasagjerësh mbi Detin Mesdhe në vitin 1980 në Ustica në një përpjekje të dështuar për të vrarë liderin e atëhershëm të Libisë, Moammar Gadafi.

Aeroplanët luftarakë gjermanë kanë nisur të shtunën që t’i ndihmojnë Sllovakisë në mbrojtjen e hapësirës ajrore, pasi kjo e fundit ia ka dhuruar Ukrainës shumicën e pajisjeve për mbrojtje.

Sipas një studimi të Komisionit Evropian, politikat e reja të Elon Muskut në Twitter nuk arritën të trajtojnë propagandën ruse.

Një 23-vjeçare gjermano-irakiane akuzohet për vrasje, pasi dyshohet se kërkoi në Instagram një vajzë të ngjashme me veten dhe e vrau atë, në përpjekje për të falsifikuar vdekjen e saj, e cila do paraqitet në gjyq. Gjithashtu, edhe një 24-vjeçar kosovar, i quajtur Sheqir K, i cili akuzohet se ka vepruar si bashkëpunëtor i Shahraban Kh-B dhe ka ndihmuar në vrasjen, do të paraqitet në gjyq

Fondacioni i Nobelit e ka revokuar vendimin e tij për ta ftuar ambasadorin rus në Suedi, në ceremoninë e ndarjes së çmimeve Nobel, pas kritikave të ashpra që ka pranuar nga politikanët suedezë.

Këshilltari i Sigurisë Kombëtare Jake Sullivan u takua sot me një delegacion të përbërë nga drejtuesit e institucioneve anti-korrupsion të Ukrainës, përfshirë drejtorin e Byrosë Kombëtare Kundër Korrupsionit, Semen Kryvonos, Prokurorin e Posaçëm Kundër Korrupsionit, Oleksandr Klymenko, si dhe Kryetaren e Gjykatës së Lartë Kundër Korrupsionit, Vira Mykhailenko, njoftoi Shtëpia e Bardhë.

Pothuajse një muaj pas ekzekutimit me 3 plumba të kandidatit për president në Ekuador, një tjetër denoncim ka ardhur nga kandidatja e së majtës, e cila ka treguar se së fundmi ka marrë vazhdimisht kërcënime për jetën.