Bota

Kundërshtari i Vladimir Putin dhe opozitari rus, Alexei Navalny pritet të qëndrojnë për tre ditë në izolim pas përpjekjeve që bëri për të krijuar sindikatë në burgun ku po kryen dënimin prej 9 vitesh.

Ikona e kinematografisë italiane, Gina Lollobrigida, ka thënë se do të kandidojë në zgjedhjet e përgjithshme muajin e ardhshëm ne Itali, sepse siç thotë ajo është “ngopur me grindjet e politikanëve”

Presidenti ukrainas Volodymyr Zelensky akuzon Moskën për sulme të reja në zonën e centralit bërthamor në Zaporizhzhia dhe flet për luftime të ashpra edhe në Donbass, ku një raketë ukrainase shkatërroi një bazë mercenarësh rusë. 

Qeveria britanike dëshiron që punëdhënësit t'i zënë vendet e punës me punëtorë vendas dhe të paguajnë paga më të larta. Por një studim tregon se nuk ka ende shenja të rritjes së pagave që nga Brexit-i. 

Basketbollistja amerikane, Brittney Griner, ka apeluar vendimin e gjykatës ruse, e cila e dënoi atë me 9.5 vite burg për mbajtje kanabisi. Sipas mediave ruse, avokatët e saj mbrojtës kanë thënë se Grine kërkon që të falet apo që t’i zvogëlohet dënimi.

Një nënë nga Kirgizistani tentoi të shiste djalin e saj të mitur për £4000, duke e reklamuar në disa faqe për transplantin e organeve njerëzore, në internet.

Agjencia e Mjedisit në Brtiani deklaroi zyrtarisht krizë thatësire në tetë rajone në jug dhe lindje, me West Midlands dhe Yorkshire.

William Ruto u shpall fitues i zgjedhjeve presidenciale të Kenias. Ruti, i cili ka qenë zv. President, mundi rivalin e tij, Raila Odinga, duke fituar 50.5 për qind të votave, sipas rezultateve zyrtare.

Anija e parë me drithëra që u largua nga Ukraina është rishitur disa herë, dhe tani nuk ka asnjë informacion për vendndodhjen e ngarkesave. Ky ishte njoftimi i ambasadës ukrainase në Bejrut.

Talebanët shënuan një vit në pushtet të hënën, por festa ishte e zbehtë në kohën kur Afganistani po lufton me varfërinë në rritje, thatësirën, kequshqyerjen dhe shpresën e zbehur të grave se ato mund të kenë një rol vendimtar në të ardhmen e vendit.

Mbretëria e Bashkuar është vendi i parë në botë që miratoi një vaksinë anti-COVID të krijuar posaçërisht për variantin Omicron, që është më dominanti.

Teherani tha se Salman Rushdie është fajtor për sulmin me thikë ndaj tij, ndërkaq Uashingtoni kritikoi mediat shtetërore iraniane për reagimin e “neveritshëm” ndaj “këtij sulmi të tmerrshëm” që plagosi rëndë Rushdien. Në reagimin e parë ndaj sulmit me thikë, Teherani tha më 15 gusht se mohon “në mënyrë kategorike” çdo lidhje me sulmin që ndodhi tri ditë më parë në shtetin e Nju Jorkut.

Termocentrali bërthamor Zaporizhzhia mbetet pika e nxehtë e luftës në Ukrainë. Moska kërkon që ekipi rus të vizitojë Zaporizhzhia në fund të gushtit ose në fillim të shtatorit. Ndërsa presidenti ukrainas Zelensky akuzon Moskën për sulme të reja në zonën e uzinës dhe flet për "luftime të ashpra edhe në Donbass". 

Kur mbërrini në Aeroportin Ndërkombëtar të Kabulit, gjëja e parë që vëreni janë gratë, të veshura me shalle kafe dhe mantele të zeza, që vulosin pasaportat.

Një shpërthim me tritol në qytetin port të Guayaquil në Ekuador ka shkaktuar vdekjen e 5 personave ndërsa 26 të tjerë janë plagosur. Autoritetet thonë se në këtë ka gisht krimi i organizuar.

Ukraina synon më shumë depo armësh ruse ndërsa frika për sigurinë rritet në termocentralin bërthamor të pushtuar nga Rusia.