Bota

Një votëbesim kundër shefes së Bashkimit Evropian, Ursula von der Leyen ka dështuar që të sigurojë shumicën e votave të nevojshme për të ecur përpara.

Ministria e Jashtme e Rusisë ka akuzuar Gjermaninë se synon të marrë pjesë në sulmet ushtarake të Ukrainës përtej kufijve të Rusisë.

Qëndrimi i Gjermanisë se një marrëveshje është e nevojshme, edhe nëse është e keqe, po fiton terren. Trump u dërgon letra shtatë vendeve të tjera.

Administrata amerikane njofton sanksione ndaj raportueses speciale të Këshillit të të Drejtave të Njeriut të OKB-së, Francesca Albanese. Ajo komentoi sanksionet duke i përshkruar si “teknika frikësimi në stilin mafioz”.

Në Romë, nisi "Konferenca për rindërtimin e Ukrainës", ku të pranishëm ishin liderë botërorë mes tyre edhe Kryeministri shqiptar Edi Rama dhe investitorë potencialë. Në dy ditë do diskutohet rindërtimi i vendit në luftë prej mbi 3 vitesh

Gjykata e Seulit ka vendosur të rikthejë në burg ish-Presidentin e Koresë së Jugut Yoon Suk Yeol, në lidhje me një hetim mbi ngjarjet e gjendjes së jashtëzakonshme të 3 dhjetorit 2024

Kanë qenë dy telefonata njëra pas tjetrës që alarmuan efektivët. I pari telefonoi një burrë që raportoi se po sulmohej dhe mbahej nga disa shtetas shqiptarë pranë parkingut të metrosë Mompiano, ndërsa në të dytin, një grua informoi një sulm ndaj vajzës së saj të mitur pranë shkallëve të stacionit. Patrulla e arreston 26-vjeçarin

Ministria amerikane e Mbrojtjes njoftoi se me urdhër të Trumpit kishte nisur të dërgonte në Ukrainë armë mbrojtëse shtesë. Njoftimi erdhi pas më pak se një jave pasi ishte bërë e ditur se SHBA fillimisht kishte ndërprerë dërgimin e disa armëve të premtuara më parë për Ukrainën, ndër të cilat edhe raketa anti-ajrore.

Kancelari i Gjermanisë, Friedrich Merz, tha se Franca dhe Gjermania duhet t'u përmbahen marrëveshjeve të mëparshme mbi konfigurimin e projektit të përbashkët franko-gjerman për avionët luftarakë FCAS, pas u raportua në fillim të kësaj jave se Franca tani kërkon të marrë pjesë në 80 për qind të punës.

Shqiptari udhëtonte me mjetin e tij kur u ndalua për kontroll. Pas gjetjes së drogës dhe eurove cash, efektivët zbarkuan në banesë, ku gjetën gruan dhe vëllanë e saj nën posedimin e një tjetër sasie lënde narkotike. 35-vjeçari arrestohet për llogari të Firences, ku ka një dënim, e motra nën hetim në gjendje të lirë.

Pasi u lokalizua teksa fshihej në Emiratet e Bashkuara Arabe, shqiptari u prangos në muajin shkurt dhe pak ditë më parë është sjellë me prenga në Romë. Ishte në kërkim prej vitit të kaluar, kur Guardia di Financa goditi rrjetin kriminal pas aksionit të koduar ‘Tornado’

Eksperti i Çështjeve Ndërkombëtare Ledion Krisafi, e sheh të largët një marrëveshje paqeje mes Ukrainës dhe Rusisë. I ftuar ditën e sotme në emisionin ‘Studio Live’ në Report Tv, ai tha se luftimet mes dy vendeve mund të vijojnë me vite.

Gjykata e Trevisos dënoi sot me burgim të përjetshëm shqiptarin nga Kosova, Bujar Fandaj, i cili akuzohet se vrau Vanessa Ballan, arkëtaren shtatzënë të një supermarketi, më 19 dhjetor 2023, pasi refuzonte të vijonte lidhjen. Prokuroria kërkoi 28 vite burgim, por Gjykata vendosi maksimalisht. Familjarët e viktimës befasohen dhe përloten, prezent edhe partneri

Një sherr për konflikte të vjetra në Appiano Gentile, çoi karabinierët në prangosjen e shqiptarit që ishte filmuar nga i plagosuri teksa e godiste me qytë pistolete. Efektivët i kthejnë shtëpinë përmbys, por arsenali u gjet tek vendi i punës. Një “Beretta”, një “Colt”, 212 fishekë të kalibrave të ndryshëm, silenciator dhe doreza për të mos lënë gjurmë

Autoritetet franceze kanë bastisur selinë e partisë së të djathtës ekstreme, Bashkimi Kombëtar, në kuadër të një hetimi të lidhur me shkeljen e rregullave financiare të fushatës elektorale.

Ndryshimet klimatike kanë trefishuar vdekjet si pasojë e valës së të nxehtit në 12 qytete evropiane në vitet e fundit. Grupmoshat mbi 65 vjeç përfaqësojnë 88% të vdekjeve të lidhura me ndryshimet klimatike.

Carlo Ancelotti është dënuar me një vit burg për mashtrim tatimor. Trajneri i Brazilit është shpallur fajtor për mashtrim tatimor që daton që nga viti 2014, kur ai ishte në krye të Real Madrid-it.

Marko Perkoviç Thompson, është kritikuar prej dekadash për përdorimin publik të simboleve fashiste të Shtetit të Pavarur të Kroacisë (Nezavisna Drzava Hrvatska - NDH), një krijesë kukull e Italisë dhe Gjermanisë naziste gjatë Luftës së Dytë Botërore, përgjegjëse për vrasje masive, kampe përqendrimi dhe persekutime ndaj serbëve, hebrenjve, romëve dhe antifashistëve kroatë.