Lajme nga emisionet

Sulmet e fundit të Sali Berishës ndaj mediave dhe analistëve kanë nxitur reagime të forta në radhët e gazetarëve dhe komentatorëve publikë, duke hapur një debat mbi kufijtë e retorikës politike dhe ndikimin e saj në klimën mediatike.

I ftuar në Repolitix, juristi Kreshnik Spahiu tha se monitorimi i AMA-s rrëzon të gjitha pretendimet e kryedemokratit për censurimin e opozitës.

Për analistin Demalia, opozita është pengesë për rrugën e integrimit të Shqipërisë në BE, për shkak sepse sipas tij, ka humbur besueshmërinë te qytetarët dhe po rrudhet dita ditës. Nga ana tjetër, politologu Gaba tha se mos-heqja e imunitetit të Belinda Ballukut, e ka ngadalësuar rrugëtimin e Shqipërisë drejt Unionit Europian.

Avokat Ngjela ka vlerësuar figurën e ish-kryetarit socialist të Kuvendit, Servet Pëllumbi, i cili u nda nga jeta ditën e djeshme në moshën 89-vjeçare. Për Ngjelën, Pëllumbi ishte njeri i rrallë dhe me virtyte, që i dha vlerë politikës shqiptare.

Avokati Rezart Kthupi dhe ish-prokurori Ervin Karanxha ishin të ftuarit e radhës në ‘Sot Live në Shqipëri’, ku diskutuan në lidhje mbi masën e sigurimit të arrestit në burg dhe kohëzgjatjen e tij.

Ekspertët e ftuar në Report TV, kërkuan masa shumë më të ashpra ndaj shoferëve që shkelin rregullat e qarkullimit, sidomos në zonat e banuara.

Me ndihmën e ekspertit autoteknik Alfred Hasani, Report TV ka rindërtuar dinamikën e aksidentit tragjik në Durrës që u mori jetën dy të miturve Klesi Nikolli dhe Enea Muçaj, 10 dhe 12 vjeç. Paraqitja 3D tregon rrugën ku ndodhej automjeti, murin anësor, katër fëmijët dhe automjetin e parkuar.

Për avokatin e ish-drejtorit të RTSH-së, Thoma Gëllçi, vendimi i Gjykatës së Lartë për rishikimin e praktikës së paraburgimit është një vendim i drejtë, në përputhje me vlerësimin që Gjykata e Strasburgut ndau për klientin e tij.

Braho është kundër mbajtjes së ish-presidentit Ilir Meta në kabinën e qelqtë gjatë seancave gjyqësore. Për ish-deputetin socialist, kjo është një masë e tepërt dhe e panevojshme.

Për anëtarin e FRPD-së, Oresti Berberi, lënia jashtë garës për kreun e PD-së të Ervin Salianjit, ishte një vendim i padrejtë. Ndërsa Merkoçi deklaroi se gara në PD është formale, pasi sipas tij, në këtë forcë politike bëhen zgjedhje të komanduara.

Gjatë intervistës në Report TV, Romeo Kara dhe Bujar Nallbani akuzuan Sali Berishën për mungesë demokracie në PD dhe i bënë thirrje të largohet nga drejtimi i partisë.

Për ish-ambasadorin e Shqipërisë në SHBA, Roland Bimo, tërheqja e trupave amerikane nga Europa është pjesë e politikës së SHBA-së dhe jo një vendim personal i Presidentit Donald Trump. Bimo tha se liderët e vendeve të Europës nuk e kanë lexuar si duhet këtë mesazh, pasi sipas tij, shtetet europiane janë mësuar të jenë nën mburojën amerikane.

Për ekspertin e aksidenteve rrugore, Gëzim Hoxha, Oficerët e Policisë Gjyqësore ndihmojnë shoferët që shkaktojnë aksidente rrugore që t'ja hedhin paq, duke punuar për atë që ai e cilësoi ndërrim të fajësisë. Ndërkohë avokati Çela deklaroi se sipas kodit penal, shkaktari i aksidentit me vdekjen e 2 fëmijëve në Durrës, rrezikon deri në 20 vite burg.

Vendimi i Gjykatës së Lartë për rishikimin e arrestit me burg, për juristin Kreshnik Spahiu është i drejtë dhe do të përmirësojë pjesërisht reflektimin për dhënien e masave të sigurimit. Për Report Tv, ai thekson se masat represive mund të kthehen në boomerang nëse personat e arrestuar marrin pafajësi.

Për juristin Kreshnik Spahiu, zgjedhjet e 23 majit që do të zhvillohen në PD, do të përcaktojnë të ardhmen e kësaj force politike dhe 'fatin' e zgjedhjeve parlamentare të vitit 2029.

Kumaku – lulja mrekulli që shëron lëkurën, qetëson trupin dhe forcon imunitetin