Lajme nga emisionet

Ndryshimet në Kodin e Procedurës Penale dhe pasojat që mund të kenë për gazetarët ishin në fokus të "Studio Live" në Report TV, ku Isa Myzyraj dhe avokati Erlis Çela diskutuan detyrimin për të marrë leje nga gjykata për publikimin e materialeve nga dosjet dhe pikëpyetjet që ngre kjo procedurë.

Drafti i ri i Kodit të Procedurës Penale, që ndryshon 105 nene, u kundërshtua nga ekspertët e ftuar sot në Report TV për procedurat shtesë ndaj prokurorëve, paqartësitë për avokatët dhe kufizimet që vendos për gazetarët në publikimin e materialeve nga dosjet penale.

Në Report TV, Erisa Xhixho akuzoi qeverinë për lidhje me krimin e organizuar, foli për "standarde të dyfishta" të SPAK dhe kërkoi që Rama të thirret sa më parë nga Prokuroria e Posaçme.

Ish-drejtuesi i lartë i Policisë, Shemsi Prençi, tha se SPAK do të bëjë nesër publike detajet për zbulimin e një tjetër vile të ish-zv.kryeministres Belinda Balluku. Vila sipas tij është zbuluar në Sardenja dhe shtoi se pritet të dalin edhe 11 lokale dhe 4 apartamente luksoze në Tiranë, të lidhura me emrin e Ballukut.

Juristi Spahiu tha se qytetarët shqiptarë shpesh herë kanë qenë viktima të mos-njohurive juridike, teksa 'përshëndeti' ndryshimet në Kodin e Procedurës Penale.

Juristja Balliu bëri përgjegjës kryedemokratin Sali Berisha, i cili është i sanksionuar 'non grata' nga SHBA dhe me probleme me drejtësinë shqiptare, për reagimin e zbehtë të opozitës për çështjen e SHISH. Ndërsa avokati Kaziaj tha se Vlora Hyseni u promovua dhe emërua në postin e drejtueses së Inteligjencës nga kryeministri Rama.

Publikimi i videove intime hapi një debat në Report TV që shkoI përtej personazheve të përfshira, nga gjykimi publik ndaj grave dhe mungesa e edukimit seksual, te rreziku që sjell përdorimi i pasigurt i teknologjisë edhe brenda ambienteve private.

Ish-prokurori Karanxha dhe avokati Caca i kanë cilësuar pozitive ndryshimet në Kodin e Procedurës Penale. Karanxha tha se masa e 'arrestit me burg' në Shqipëri është përdorur në mënyrë të tepruar, ndërsa Caca tha se ndryshimet i japin fund një kulture abuzive në mënyrën sesi kryhet një procedim penal.

Për deputetin socialist Erion Malaj, përgjegjësia e kujtdo zyrtari që hetohet nga SPAK është personale dhe jo institucionale. Malaj theksoi gjithashtu se nuk mund të bëhet gjyq publik ndaj askujt, deri në momentin që nuk është provuar fajësia ndaj tij. 

105 nenet e ndryshuara apo të shtuara në Kodin e Procedurës Penale shihen si një paketë ekuilibri mes nevojës së shoqërisë për t’u mbrojtur nga krimi dhe të drejtës së individit për t’u mbrojtur nga gabimi ose abuzimi i pushtetit gjyqësor me jetën e tij.

 Sa dimë vërtet për vajin e ullirit, ullinjtë dhe gjethet? Vlerat e paçmuara dhe arsyet pse duhet t'i përdorim

Sipas Enkelejd Alibeajt, fakti që ndryshimet në Kodin e Procedurës Penale prezantohen nga kryeministri Edi Rama ngre pikëpyetje për qëllimin e tyre, pasi qeveria ndodhet në konflikt me sistemin e drejtësisë. Ish-deputeti thotë se vetëm analiza e plotë e draftit do të tregojë nëse pas paketës fshihet një qëllim politik.

Sipas Flamur Nokës, ish-deputeti ka ndikuar te vota e demokratëve për Avokatin e Popullit, Endrit Shabanin, për zgjedhjen e të cilit paraqitën kërkesë në Gjykatën Kushtetuese, e cila e rrëzoi. Salianji përgjigjet me ironi për akuzat e Sekretarit të Përgjithshëm të PD.