Kosova & Rajoni

Ish-ambasadori Agim Nesho i ftuar në 'Frontline Interview' e cilësoi sulmin në Zubin Potok si një akt terrorist të organizuar nga forcat paramilitare, të lidhur ngushtë me Serbinë. Sipas tij, Vuçiç po tenton të krijoj një "konflikt të ngrirë" në veri të Kosovës, si pjesë e strategjisë për të rikthyer dominimin serb në rajon. Nesho paralajmëroi se tensionet në Ballkan mund të rriten nëse Serbia dhe Rusia intensifikojnë provokimet.

Presidenti i Serbisë, Aleksandar Vuçiç, tha se ka biseduar me ndihmëssekretarin amerikan të Shtetit për Evropën dhe Euroazinë, James O’Brien, për “përshkallëzimin e situatës” në Kosovë.

Kryeministri Albin Kurti ka thënë se i ka kërkuar shefes së re të diplomacisë së Bashkimit Evropian, Kaja Kallas, që Serbisë të dorëzojë terroristin Milan Radoiçiç tek autoritetet e Kosovës si organizatori i sulmit në Banjskë më 24 shtator të vitit të kaluar.

I dyshuari i dytë për sulmin në Ibër Lepenc pranë Zubin Potokut në Kosovë ka dalë këtë të martë para gjykatës. Ai do të njihet me masën e sigurisë e cila pritet të jetë paraburgim njësoj si për të dyshuarin e parë që mori masën e sigurisë te dielën.

Presidenti i Serbisë, Aleksandër Vuçiç, foli sot sërish lidhur me shpërthimin në kanalin e ujit të Ibër-Lepencit në Zubin Potok mbrëmjen e 29 nëntorit. Për këtë shpërthim kryeministri Albin Kurti ka drejtuar gishtin nga Serbia.

Një ushtar i ri i Ushtrisë së Malit të Zi, David Gorvokovic, e festoi ditën Ditën e Flamurit të Shqipërisë, më 28 Nëntor, me ushtarë shqiptarë

Nga

Bekim Bislimi

Zotimi i Kosovës për të mos e dërguar Forcën e saj të Sigurisë në veri të vendit, pa pëlqimin paraprak të NATO-s, është i vlefshëm edhe sot, kur mandati i kësaj force ka ndryshuar, thotë për Radion Evropa e Lirë Besfort Rrecaj, profesor i së Drejtës Ndërkombëtare në Universitetin e Prishtinës

Shefja e re e diplomacisë së Bashkimit Evropian, Kaja Kallas, zhvilloi sot takime të ndara me krerët e Kosovës dhe Serbisë me të cilët ka biseduar për dialogun për normalizimin e raporteve mes dy vendeve, për sulmin në Banjskë dhe shpërthimin në kanalin e Ibër-Lepencit në Zubin Potok.

Shpërthimi në Zubin-Potok ka rritur tensionet ndërmjet Serbisë dhe Kosovës. Mentor Kikia argumentoi në '5 Pyetjet' se Serbia po përdor "armët e fundit" për të destabilizuar, duke mbështetur aktet terroriste. Etjen Xhafaj nënvizoi se gara armatimi nuk është zgjidhje dhe se siguria duhet të sigurohet përmes diplomacisë dhe zhvillimit ekonomik. Kreshnik Çollaku u shpreh pesimist për njohjen e Kosovës nga Serbia dhe kritikoi optimizmin për dialogun ndërkombëtar.

Komisioni për Politikë të Jashtme të Parlamentit Evropian ka diskutuar për sulmin terrorist në kanalin e ujor të Ibër-Lepencit në varagë të Zubin Potokut.

Kreshnik Spahiu paralajmëroi në '5 Pyetjet nga Babaramo' për rreziqet e autonomisë serbe në veri të Kosovës dhe ndikimin e faktorëve pro-rus për destabilizimin e rajonit. Ai thekson rëndësinë e projektit franko-gjerman për Kosovën dhe kritikon indiferencën e mediave shqiptare ndaj alarmit që ngrihet në Europë për tensionet gjeopolitike.

Ministri Xhelal Sveçla deklaroi në '5 Pyetjet nga Babaramo', se Kosova ka stabilizuar situatën pas sulmit terrorist duke rikthyer furnizimin me ujë dhe garantuar energjinë elektrike. Ai akuzoi Serbinë për mbështetje të drejtpërdrejtë ndaj grupeve terroriste si "Mbrojtja Civile" dhe "Brigada e Veriut". Sveçla theksoi angazhimin e institucioneve kosovare për të parandaluar sulme të tjera dhe bashkëpunimin me aleatët ndërkombëtarë për hetime të thella.

Prokuroria e Lartë e Beogradit njoftoi më 2 dhjetor se i ka parashtruar një kërkesë Policisë serbe që të mbledhë informacionet e nevojshëm lidhur me fletushkat që bëjnë thirrje për një rebelim të armatosur dhe ndryshim të rendit kushtetues të Serbisë.

Një 37-vjeçar shqiptar është gjetur i vdekur në burgun e Malandrinos në Greqi. Sw bashkë me shqiptarin, pa ndjenja u gjet edhe një i burgosur tjetër grek 38 vjeç. Pas mbërritjes së ekipit mjekësor, u konstatua se shqiptari kishte ndërruar jetë.

Gjendje të jashtëzakonshme ka shpallur qeveria greke për ishujt, Rodos dhe Limnos pas valës së motit të keq me emrin ‘Bora’ që goditi shumë zona të vendit me reshje të vrullshme dhe erëra të fuqishme.

Ministrja e Punëve të Jashtme të Kosovës, Donika Gërvalla, mbajti fjalimin e saj ditën e sotme para Komitetit për Punë të Jashtme të PE. Ajo tha se Serbia edhe pas pushtimit të Ukrainës në vitin 2022, ka nënshkruar një marrëveshje me Rusinë, që parashikon koordinimin e politikës së jashtme. 

Kryeprokurori i Prokurorisë së Lartë Publike të Beogradit, Nenad Stefanoviç, tha se në fund të këtij viti apo në fillim të vitit 2025 do të merret vendimi lidhur me ngritjen ose jo të një aktakuze ndaj Millan Radoiçiçit për sulmin e armatosur në Banjskë të Zveçanit.