Kosova & Rajoni

Qendra e Menaxhimit Kufitar të Kosovës ka njoftuar se rruga që të çon në pikën kufitare në Merdare nga Serbia është rihapur, pasi u bllokua nga qytetarët serb. Autoritetet udhëzuan që pika kufitare të evitohej.

Në Shkup, gjatë një deklarate për mediat, Kryeministri Edi Rama pati një shkëmbim batutash me një gazetare nga Kosova, e cila u ul në gjunjë për shkak të hapësirës. Rama i sugjeroi me humor riedukim për kolegët e saj, ndërsa ajo iu përgjigj se 'fuqia është te zëri, jo te gjatësia'.

Për ish-diplomatin Lutfi Bilalli, pas ngërçit politikë në Kosovë, mund të kemi edhe arritjen e një marrëveshje mes palëve. Ai tha se Gjykata Kushtetuese nuk ka sqaruar se çfarë do të ndodh pas mbarimit 30 ditorë të afatit që ka vendosur.

Disa nga personat që Prokuroria Speciale e Kosovës i akuzoi për sulmin në Banjskë të Zveçanit - ose së paku një prej tyre - dhe që kërkohen nga autoritetet kosovare, u panë në një protestë të rrethuar nga policia në qendër të Beogradit.

Në Kosovë, kriza politike vijon të thellohet çdo dy ditë. Këtë të martë dështoi një tjetër tentativë për konstituimin e parlamentit në Prishtinë, e cila përbënte seancën e 40 ku deputetët e dalë nga zgjedhjet e 9 shkurtit nuk formalizojnë dot institucionin kryesor legjislativ.

Policia greke ka goditur një organizatë kriminale e cila importonte ilegalisht në Greqi sasi të mëdha municionesh nga Shqipëria. Në pranga ranë pesë persona, katër prej tyre anëtarë të grupit kriminal - mes tyre edhe një shqiptar.

I ndodhur në Shkup për samitin BE-Ballkani Perëndimor, kryeministri Edi Rama është takuar edhe me Ali Ahmetin. Kreu i BDI thotë se takimi ishte i sinqertë, me thellësi politike vëllazërore, në funksion të barazisë dhe perspektivës europiane.

Në Shkup u zhvillua ditë e dytë e samitit të Ballkanit Perëndimor me BE për planin e rritjes. Komisionerja për Zgjerimin Marta Kos tha se vendet duhet tu përmbahen me përpikmëri reformave që të përfitojnë brenda dy viteve të ardhshme nga paketa 6 miliardë euro. Kryeministri Edi Rama thotë se Shqipëria ka përmbushur të gjitha kërkesat për zbatimin e këtij plani financimi, nga i cili Shqipëria kërkon të marrë rreth 1 miliardë euro.

Tubimi në Sheshin Slavija më 28 qershor filloi me 16 minuta heshtje në kujtim të 16 njerëzve që vdiqën kur u shemb streha prej betoni në stacionin e rindërtuar hekurudhor të Novi Sadit. Kjo ngjarje nxiti bllokada dymujore nga studentët në fakultete dhe protesta në të gjithë Serbinë.

Kosova është pa institucione të reja edhe katër muaj pas mbajtës së zgjedhjeve parlamentare, pasi deputetët kanë dështuar ta konstituojnë Kuvendin në 39 përpjekje radhazi. Dështimi më i fundit erdhi të dielën, pavarësisht se Gjykata Kushtetuese u dha afat kohor prej një muaji.

Presidentja e Kosovës, Vjosa Osmani, do t’i ftojë udhëheqësit e partive politike në takime në ditët në vijim, për të diskutuar për konstituimin e Kuvendit të Kosovës.

Kryetari i Lëvizjes Vetëvendosje, Albin Kurti, është shprehur i hapur për takime të tjera me liderët e partive politike për zhbllokimin e krizës në Kuvend. Ai tha se është i gatshëm për bashkëpunim në mirëbesim dhe konsensus e kompromis, megjithatë vazhdoi të insistojë për nevojën e votimit të fshehtë të kryepaelamentarit.

Ashtu si edhe në seancat e kaluara deputetët një ditë më parë dështuan për herën e 38-të që të konstituojnë Kuvendin e Kosovës, pasi nuk arritën të pajtohen rreth formimit të një komisioni për votim të fshehtë të kandidates për kryeparlamentare, Albulena Haxhiu. I ftuar në ‘Sot Live në Shqipëri’, Bedri Elezi tha se në vend është krijuar një situatë serioze.