Kronikë

Një zjarr i përmasave të mëdha ka përfshirë këtë mbrëmje edhe pyjet e Fushë Arrëzit. Mësohet se zjarri ka rënë në një sipërfaqe pyjore me pisha pranë rrugës së Krrabit në orët e mbrëmjes, ndërsa dyshohet të jetë i qëllimshëm.

Ka shkuar në 1,221,640 numri i vaksinimeve të kryera në vend, por për Ministren e Shëndetësisë, Ogerta Manastirliun, kjo shifër duhet të rritet akoma dhe më shumë. Me një postim në Facebook, Manastirliu thotë se mbulesa vaksinale duhet të rritet, duke i bërë thirrje të gjithë personave të pavaksniuar, që të drejtohen në qendrën më të afërt të vaksinimit.

Tre persona, të dyshuar si autorë të zjarrvënies në Karaburun, fshatin Delisuf të Vlorës dhe Shalë të Konispolit, janë arrestuar sot nga Policia.

Zjarri e tymi kanë pushtuar vendin tonë nga veriu në jug, ku janë aktivizuar 9 vatra. Më problematike situata është në Gjirokastër ku flakët kanë marrë përmasa të mëdha, duke rrezikuar fshatrat Krinë, Asim Zeneli dhe Arshi Lengo.Situata e rënduar është edhe në gadishullin e Karaburunit, ku  po punohet me 3 helikopterë nga ajri, një i Forcave të Armatosura dhe 2 helikopter të kontraktuar nga privati.

Kryeministri Edi Rama, Ambasada e SHBA, Presidenti Ilir Meta e kreu i PD, Lulzim Basha, kanë reaguar në lidhje me situatën e vështirë të krijuar në vend nga zjarret, ku fatkeqësisht u regjistrua edhe viktima e parë në Gjirokastër.

Kreu i PD-së, Lulzim Basha ka reaguar pas shkaktimit të viktimës së parë nga zjarret në fshatin Asim Zenel në Lunxhëri të Gjirokastrës. Ndërsa i shpreh ngushëllime familjes së viktimës, Basha akuzon qeverinë se është e papërgatitur për raste të tilla. Basha shkruan se masat gjysmake të marra nga qeveria nuk po mundin të normalizojnë dot situatën me zjarret në vend.

14.3 kilogramë kokainë janë kapur pasditen e sotme në pikën kufitare me Malin e Zi në Muriqan. Bëhet me dije se lënda narkotike u gjet në një automjet tip 'Benz', ndërsa po tentonte të kalonte kufirin drejt Malit të Zi. Policia ka arrestuar shoferin e automjetit, Besnik Ruçin 42 vjeç, me origjinë nga Durrësi. Automjeti tip 'Benz' është dërguar në Durrës për kontroll të specializuar.

Gjatë 24 orëve të fundit në vendin tonë  janë shënuar 65 raste të reja me COVID-19 dhe asnjë humbe jetë. Në Spitalin Infektiv po marrin trajtim spitalor të specializuar 20 pacientë.