Politikë

Shqipëria ka nënshkruar memorandum mirëkuptimi me Spanjën në kuadër të bashkëpunimit në procesin e integrimit evropian. Ministrja e Jashtme Olta Xhacka ka pritur në takim homologun spanjoll Jose Manuel Albares Bueno, me të cilin ka biseduar rreth integrimit të Shqipërisë në BE, për bashkëpunimin dypalësh si dhe për normalizimin e marrëdhënieve Kosovë-Serbi.

1 muaj para zgjedhjeve vendore 2023, sot më 14 prill nis zyrtarisht fushata zgjedhore. Një ditë më parë Organizata më e rëndësishme ndërkombëtare për monitorimin e zgjedhjeve, OSBE-ODIHR dha mesazhin e qartë që fushata duhet të jetë paqësore dhe e hapur, ndërsa komunikimi politik të jetë sa më konstruktiv dhe në zbatim të ligjit shqiptar e standardeve ndërkombëtare.

Premtimi i kandidatit të koalicionit Meta-Berisha, Belind Këlliçit për transport publik falas në Tiranë nëse zgjidhet kryebashkiak, nga pjesa më e madhe e qytetarëve shihej e parealizueshme, sipas sondazhit të Institutit italian ‘Piepoli’ të realizuar në bashkëpunim me Report TV. Në të njëjtën mënyrë me skeptikët e komentoi edhe nënkryetari aktual i bashkisë së Tiranës, Arbjan Mazniku i cili e konsideroi si premtim të padobishëm për të tërhequr vëmendjen.

Zv/Ndihmës Sekretari Amerikan, Gabriel Escobar i ka shuar çdo shpresë Sali Berishës, duke ia bërë të qartë se edhe nëse fiton zgjedhjet, “Non Grata” nuk do i hiqet.

Dy ishin studiot të cilat u përzgjodhën për një fazë tjetër vlerësimi nga juria ndërkombëtare e kryesuar nga arkitekti i njohur Italian, Marco Casamonti, për realizimin e Qendrës së Konferencave dhe Ekspozitave, e cila do të jetë një ndër veprat e para publike të rëndësishme që do të vendoset te Bulevardi i Ri në Tiranë.

Kreu i shoqatës shqiptare të hoteleri-turizmit Zak Topuzi, parashikon një vit të mirë për sezonin turistik! Në një intervistë për emisionin ‘Studio Live', Topuzi tha se nisur nga të dhënat ka një trefishim të prenotimeve për periudhën qershor-gusht në Shqipëri

Gazetarja Desada Metaj, njëkohësisht anëtare e Autoritetit të Mediave Audiovizive, i është përgjigjur deklaratave të kreut të Rithemelimit, Sali Berisha pasi ky i fundit, e akuzoi si të emëruar nga Rama dhe Basha në institucionin e AMA-s.

Ndalesa e radhës e kryeministrit Edi Rama ka qenë Lezha ku ka prezantuar kandidatin Pjerin Ndreu. Kryeministri iu drejtua qytetarëve që të mos bëjnë një gabim e të votojnë dyshe Sali Berisha dhe Ilir Meta. Në fjalën e tij, Rama tha se për aq kohë sa Berisha nuk bëri asgjë kur nuk e kishte “damkën Non Grata”, nuk mund të bëjë kurrsesi asgjë më shumë.

Ai gjatë fjalës së tij ngriti pyetjen se me çfarë parash Sali Berisha mban takime, duke thënë se deri më tani ai ka zhvilluar rreth 13 takime që do të thotë te 60 mijë euro

Organizata më e rëndësishme ndërkombëtare për monitorimin e zgjedhjeve, OSBE-ODIHR, në një reagim në rrjetet sociale pret që të zhvillohet një fushatë paqësore dhe e hapur, ku komunikimi politik të jetë sa më konstruktiv dhe në zbatim të ligjit shqiptar e standardeve ndërkombëtare

Rithemelimi i Sali Berishës ka hedhur akuza në drejtim të Ministrisë së Jashtme në lidhje me emërimin si Sekretare të Dytë në Konsullatën shqiptare në Stamboll zonjën Juna Harka. Në një deklaratë për mediat zëdhënësja Florjana Garo u shpreh se bashkëshorti i saj, shtetasi turk Ramazan Keskin është kreu i një organizate kriminale aktive në narko-trafik