Politikë

Kremtimit të Pashkëve Ortodoske u janë bashkuar dhe politikanët, duke shprehur edhe ata urimin e tyre. Kreu i Shtetit, Bajram Begaj, ka zgjedhur t’i urojë besimtarët Ortodoks nga Motropolia e Korçës duke thënë se kjo Pashkë do të sjellë mbarësi dhe uron që të ndriçojë mendjen e jetën e shqiptarëve. Edhe kryeministri Edi Rama e nisi ditën me një urim për Pashkët me një fotografi nga Kisha e Marmiroit në Vlorë.

Sali Berisha dhe Ilir Meta çelën zyrtarisht fushatën elektorale për zgjedhjet vendore të 14 majit në stadiumin ‘Air Albania’. Ata zgjodhën një ambient të madh për të bërë prezantimin e kandidatëve por pjesëmarrja ishte zhgënjyese. Desada Metaj ka ironizuar zbrazjen e stadiumit 'Air Albania' pasi fjalën e mori Sali Berisha.

Nga Shëngjergji, ku u takua me banorët e zonës, kryetari i PS të Tiranës, Erion Veliaj tha se koalicioni i Berishës dhe Metës nuk ka as vulë, as emër, sepse kanë frikë se demokratët e vërtetë nuk i votojnë. Ai bëri edhe disa pyetje lidhur me shpenzimet e koalicionit për hapjen e fushatës dje në stadiumin Arena Kombëtare.

PD ka hapur fushatën elektorale në Lezhë duke komentuar koalicionin e Sali Berishës me Ilir Metën. Sekretari i Përgjithshëm i PD, Gazmend Bardhi ishte në një takim me demokratët në Lezhë, ku tha se nuk e pranojnë që të bëhen gabimet e së shkuarës duke fuqizuar Ilir Metën.

Sali Berisha dhe Ilir Meta çelën sot me pompozitet fushatën për zgjedhjet e 14 majit, por dy janë detajet që ranë në sy: stolat e boshatisur të stadiumit “Arena Kombëtare” dhe mijëra eurot e derdhura për organizimin e tubimit.

Kreu i PDIU-së, Shpëtim Idrizi e ka nisur fushatën për zgjedhjet e 14 majit duke thënë se kanë zgjedhur të garojnë sërish të vetëm pasi nuk kanë as tokë, as det për të falur. Me ironi për premtimin e Belind Këlliçit rreth transportit urban falas, Idrizi thotë se debati duhet të bëhet për ekonominë, jo për autobusët.

Hapja e fushatës elektorale të dyshes Meta-Berisha duket se do të mbahet mend edhe për gjetjet kontraversale për të marrë vëmendjen e publikut me çdo kusht.

Sekretari i Përgjithshëm i PS Damian Gjiknuri bashkë me kandidatin Besian Ajazi çelën fushatën zgjedhore në qytetin e Gramshit. Numri dy i socialistëve deklaroi se qytetarët e kanë bërë tashmë zgjedhjen e tyre, dhe do të kërkojnë më 14 maj që Gramshi dhe Shqipëria të vijojnë të ecin përpara. 

Kandidati i Partisë Socialiste për Bashkinë e Tiranës, Erion Veliaj, ishte në Krrabë, Petrelë dhe Bërzhitë, ku zhvilloi një takim me banorët e zonave, si dhe vuri në dukje se periferia e Tiranës sot është transfomuar dhe nuk konsiderohet më si fundi i botës. 

Roland Bejko i cili kandidon nën siglën e PD për bashkinë Tiranë, ka zgjedhur të njëjtin orar si Sali Berisha për të mbajtur një takim me demokratët e degës nr.10 në Tiranë. Ai nuk ka kursyer ironinë për Sali Berishën dhe Ilir Metën duke thënë se ngrihen e njoftojnë protesta sa herë që iu bien aksionet tek Edi Rama.