Politikë

Në një ceremoni të përbashkët, kryetari i Bashkisë së Tiranës, Erion Veliaj, Ambasadori gjerman Peter Zingraf, i Ngarkuari me Punë i Bashkimit Evropian në Shqipëri, Alexis Hupin, Ministrja e Arsimit, Evis Kushi, dhe Drejtoresha e Zyrës së KfË-së në Shqipëri, Brit Horschke, dhanë lajmin e mirë për rinovimin me efiçencë energjetike të 19 konvikteve të Qytetit Studenti dhe ndërtimin e 3 godinave të reja me standarde europiane.

Zëdhënësja e PD, Floriana Garo kërkon që prokuroria të nisë hetimet për Policinë e Shtetit që sipas saj po shpërdoron 670 mijë dollarë për 67 makina. Në një deklaratë për mediat u shpreh se Policia do të shpenzojë 30 mijë euro për një makinë të tipit ‘Hyundai’ që blihet nga 19.500-21.500 dollarë me zero kilometra.

Pasi Gjykata e Apelit vendosi në favor të grupit të Enkelejd Alibeajt, ky i fundit po nis përgatitjet për zgjedhjet vendore të 14 majit. Teksa pritet që të hënën të depozitojnë në Komisionin Qendror të Zgjedhjeve regjistrimin e PD-së për garën elektorale, Alibeaj do të mbledhë të hënën strukturat e partisë.

Kryeministri Edi Rama ka ndarë foto nga projekti i transformimit të Mozaikut të Tiranës. Përmes një postimi në Facebook, Rama shkruan se së shpejti, Mozaiku i Tiranës do të kthehet në një nga destinacionet më të vizituara të kryeqytetit.

Një ditë pasi Apeli vendosi të zhbëje vendimin e Zhukrit dhe të kthejë sërish çështjen e vulës së PD-së në Gjykatën e Shkallës së Parë, kryetari i grupit parlamentar të PS ka komentuar akuzat e Berishës për kryeministrin Rama. Pretendimet e Berishës, Balla i sheh si të turpshme ndërsa sa i takon vendimit të djeshëm, Balla tha se Partia Socialiste nuk merret me çështje të brendshme partie

Në një bashkëbisedim me përfaqësues të shoqatave të hotelerisë, kryetari i Bashkisë së Tiranës, Erion Veliaj u shpreh krenar për rritjen që ka pësuar industria e turizmit gjatë viteve të fundit, për të cilën ai tha se “po jeton ditët e saj më të mira”.

Kandidati i Sali Berishës për Bashkinë e Tiranës për zgjedhjet vendore vijon të zhvillojë takimet me qytetarët, ndonëse një ditë më parë Gjykata e Apelit i dha vulën e Partisë grupit të Ekelejd Alibeajt.

Kryetari i Partisë së Lirisë, Ilir Meta e ka cilësuar regji të mirëmenduar të Edi Ramës vendimin që u dha nga Apeli për vulën e PD. Nga takimi me strukturat në Vaun e Dejës, Meta tha  se opozita nuk do të mungojë në zgjedhjet e 14 majit.

Një ditë pasi Gjykata e Apelit i dha vulën e Partisë Demokratike grupit të Enkelejd Alibeajt, Sali Berisha ka njoftuar se do bëjnë rekurs në Gjykatën e Lartë, por do kërkojnë përjashtimin e gjyqtarit Sokol Sadushi nga çështja. Sot akuzoi ambasadoren Yuri Kim se ka ndërhyrë në mënyrë brutale në vendimin e gjykatës bashkë me kryebashkiakun Erion Veliaj.