Politikë

Armëpushimin që tentuan të arrijnë për zgjedhjet vendore, 2 grupimet në PD e rindezën në seancën e Parlamentit. Deputetët e grupit Berisha akuzuan Alibeajn për pazare me Partinë Socialiste për t’i mbyllur gojën Rithemelimit. Por kryetari i komanduar i PD Alibeaj ju përgjigj duke thënë se brenda parlamentit tentojnë të bëjnë opozitën zhurmuese, ndërsa jashtë tij, ndajnë aferat me qeverinë. 'Rithemelimi' kërkon përjashtimin e Ramës nga Kuvendi. 

Për deputetin demokrat Gazment Bardhi miratimi i projektbuxhetit për Portin e Durrësit është një akt korruptiv.

Projekti i ndërtimit të segmentit Lekaj -Fier dhe Porti i Durrësit, për kryetarin e Lirisë, Ilir Meta janë 2 skandale që vërtetojnë që kjo qeveri duhet të largohet 1 orë më parë, pasi nuk mendon aspak për qytetarët. Asaj drejtësi që e akuzon çdo ditë se është e kapur nga ‘Rilindja’, Meta i bëri thirrje që të nisë sa më shpejt hetimet.

Analisti Frrok Çupi e sheh si shterpë protestën e organizuar më 12 nëntor nga dyshja Berisha-Meta e ndërsa anëtarja Komisionit të Rithemelimit, Ledina Mandija e sheh si mjetin e vetëm për t’i bërë ballë monizmit të bërë nga kryeministri Edi Rama.

Ilir Meta ka marrë pjesë në një pritje zyrtare, e aty ka takuar edhe ‘armikun’ e aleatit të tij të ngushtë, Sali Berisha. Bëhet fjalë për ambasadorin britanik Alastair King-Smith.

Rithemelimi’ i Sali Berishës ka akuzuar qeverinë se po vjedh miliona lekë nga taksat e qytetarëve shqiptar me rrugë që kushtojnë 3-4 fish më shumë se një vend i Bashkimit Europian. Nga seli blu, Klevis Balliu u ndal te segmenti Lekaj -Fier, ku tha se ai do të rifinancohet me një kosto shtesë prej 320 milion euro. Një gjë e tillë  sipas Balliut, kjo rrugë është 50% më shtrenjtë se sa është vlerësuar në studimin e fizibilitetit. 

Ish- sekretarja e Brendshme Priti Patel një ndër politikanet e njohura të Partisë Konservatore të Britanisë së Madhe duket se ka “sfiduar” pasardhësen e saj Suella Braverman duke festuar me shqiptarët në Londër.

Orjela Nebiaj dhe Petrit Doda kanë dorëzuar formularët e vetëdeklarimit në Komisionin Qëndror të Zgjedhjeve si procedurë për marrjen e mandatit të deputetit në rradhët e partisë Demokratike.

Porti i Durrësit është shndërruar në kryefjalë të politikës, e për këtë është ndalur të flasë edhe në Berat kryeministri Edi Rama. Përtej kritikave e akuzave që vijnë nga opozita, Rama këmbënguli që do t’i shkohet deri në fund këtij projekti.

Kryetari i Bashkisë së Tiranës Erion Veliaj zhvilloi një takim sot me kreun e shtetit Bajram Begaj.