Politikë

Kur duhen edhe 2 ditë që të përfundojë afati për dorëzimin zyrtar të kandidatëve për President të Republikës, ende nuk ka asnjë emër për tu hedhur për votim në raundin e parë të përcaktuar të zhvillohet të hënën e 16 majit, ora 17:00. E sotmja ishte ditë negociatash. Teksa Enkelejd Alibeaj i PD ka refuzuar, grupi negociator i Partisë Socialiste zhvilloi takime me krerët e grupeve parlamentare të tjera.

Në mbledhjen e sotme të Këshillit Bashkiak, kryetari i Bashkisë së Tiranës, Erion Velia foli për projektvendimin për të kaluar një fond special për organizimin e finales së Conference League në kryeqytet.

Bypassi i Vlorës pritet të hapet përfundimisht këtë sezon turistik. Vitin e kaluar, më 15 korrik bypass i Vlorës u hap në mënyrë provizore vetëm për sezonin turistik ndërsa këtë sezon do të përfundojnë punimet duke e bërë të aksesueshëm aksin dhe të gjithë qytetarët që kanë destinacion jugun do të kalojnë nga bypassi i ri duke nisur nga vera e këtij viti.

Pas 27 vitesh, Sali Berisha ka ‘rizbuluar’ masakrën e Srebrenicë, ndërsa Kuvendi ka rrëzuar kërkesën e deputetit Tritan Shehu, mbështes i ish kryeministrit, për të votuar rezolutën që dënon gjenocidin serb në Serbrenicë në Bosnjë-Hercegovinë.

Plator Nesturi, ish-këshilltar për mediat i ish- kryeprokurores Ina Rama ka dhënë detaje të reja nga ngjarja e rëndë e 21 janarit, ku 4 protestues mbetën të vrarë në Bulevardin Dëshmorët e Kombit në Tiranë. Nesturi ka zbuluar se një grup policësh, në kohën kur ministër i Brendshëm ishte Lulzim Basha kanë tentuar që të prishin provat, me urdhër të Berishës.

Edhe deputetja demokrate Jorida Tabaku ka komentuar kritikat e kryeministrit Rama në drejtim të SPAK, duke e quajtur krekosje ndaj institucioneve të drejtësisë. Ajo kritikoi rrëzimin e kërkesës së opozitës për ngritjen e komisionit të posaçëm për investimet strategjike.

SPAK ka nisur hetimin ndaj ish-ministrit të Shëndetësisë Ilir Beqaj. Lajmi është bërë i ditur nga gazetari Arsen Rusta në emisionin 'Repolitix' në Report Tv. Beqaj është si person i dyshuar për shpërdorim detyre lidhur me 2 tendera të firmosura, për sterilizimin dhe check up.

Në shtator pritet të hapë dyert në Bashkinë Belsh inkubatori bujqësor, një mundësi e artë për fermerët e zonës. Sekretari i Përgjithshëm i PS Damian Gjiknuri , njëherësh dhe drejtues politik për Qarkun Elbasan dhe Kryetari i Bashkisë së Belshit, Arif Tafani inspektuan punimet për ndërtimin e këtij inkubatori në fshatin Seferan.

Qeveria shqiptare ka marrë vendimin për të dëmshpërblyer në shumën 10. 500 (dhjetë mijë e pesëqind) euro Mustafa Laçin, një nga punëtorët e fabrikës së demontimit të armëve në Gërdec, i cili humbi bashkëshorten e tij pas shpërthimit të fuqishëm.