Politikë

Kryetarja e LSI, Monika Kryemadhi, tha se të rinjtë emigrojnë për të gjetur një jetë më të mirë, sepse në një vend zbehet shpresa për ndryshim kur qeveria dhe opozita shkrihen në një.

Zëdhënësja e Partisë Demokratike, Ina Zhupa ka ngritur akuza të forta ndaj kryeministrit Edi Rama për mashtrim, lidhur me apartamentet e ndërtuara nga Turqia të cilat iu dorëzuan 522 familjeve në Laç me ceremoni, 3 javë më parë gjatë vizitës së presidentit turk Erdogan.

Kreu i shtetit shprehet se e ka falenderuar Boswell për mikëpritjen e ngrohtë në Skoci muaj më parë ndërsa shprehet i bindur se me mikëpritjen tradicionale shqiptare, ai do ndihet si në shtëpinë e tij.

Komisioneri Shtetëror i Zgjedhjeve, Ilirjan Celibashi, ka përjashtuar Komisionin e Rithemelimit të Sali Berishës nga zgjedhjet e 6 marsit. Ai e regjistroi koalicionin 'Shtëpia e Lirisë' vetëm me LSI dhe Nard Ndokën. Nuk dihet nëse tashmë kandidatët e Berishës të zgjedhur nga 'primaret' e tij në 6 bashki do të bëhen të gjithë vetëm kandidatët e Kryemadhit dhe Ndokës.

Komisioni Hetimor për Inceneratorët do të rifillojë punën ditën e hënë, ndërkohë, kryetarja Jorida Tabaku ka publikuar edhe listën e personave që do të thirren për t ëdëshmuar, ku i pari është kryeministri Edi Rama. Vijimi i punës së këtij komisioni deri më 25 shkurt u përshëndet edhe nga ambasadorët Yuri Kim dhe Luigi Soreca.

Ish-drejtuesi i Bindjes Demokratike, Astrit Patozi tha në Report Tv se Ilir Metën dhe Sali Berishën në “Shtëpinë e Lirisë” i bashkoi mënyra sesi konceptojnë politikën dhe urrejtja që kanë të dy për kryedemokratin Basha.

Teksa gazetarët i drejtojnë mikrofonin ish-kryeministrit, Sali Berisha, një person dëgjohet duke bërtitur. Personi i cili nuk është identifikuar, dëgjohet të thotë ‘kartën, kartën kartën’.

Kreu i PD-së, Lulzim Basha ka akuzuar Sali Berishën dhe Ilir Metën se po bashkëpunojnë me kryeministrin Edi Rama për të shkatërruar PD. Duke komentuar koalicionin e Berishës me LSI për zgjedhjet e pjesshme vendore, Basha tha se Meta do të marrë vota me dorën e Berishës, që t'ja çojë Ramës.

Pesëdhjetë ditë pas vdekjes së Arben Dukës, ndërron jetë, djali i tij, Denisi në Shtetet e Bashkuara të Amerikës si pasojë e një infarkti kardiak.

Në aeroportin ndërkombëtar “ZAYED- Flatrat e Veriut”, në Kukës u ul sot avioni i parë i kompanisë WizzAir për të nisur në maj operimin e pandërprerë me 4 destinacionet e para drejt Austrisë, Gjermanisë dhe Zvicrës, fillimisht nga dy herë në javë. Rama tha se fluturimet do të jenë nga 19 euro, teksa premtoi se deri në fund të mandatit Kukësi do të bëhet një pikë referimi për rajonin.

Partia Demokratike ka akuzuar kryeministrin Edi Rama se ka mashtruar shqiptarët për legalizimet, referuar protestës së banorëve të lagjes '5 Maji' në Tiranë, banesat e të cilëve po shemben për shkak të rikualifikimit urban.