Politikë

Teksa çmimi i naftës, benzinës dhe gazit janë rritur sërisht, Rama tha se kjo rritje është në të gjithë botën dhe se qeveria shqiptare po bën të pamundurën që kjo të mos reflektohet në rritjen e çmimit të energjisë për familjarët dhe biznesin e vogël. Për këtë ka reaguar edhe presidenti Ilir Meta tha se çmimet i vendosin oligarkët dhe jo tregu.  

Ministri i Drejtësisë, Ulsi Manja ka folur në Kuvend në lidhje me operacionin në Elbasan, që çoi në pranga 28 persona, mes tyre edhe policë burgjesh. Manja u shpreh se ky nuk do të jetë thjeshtë një aksion, por investim i përditshëm për forcimin e sigurisë në burgje

Deputetët janë mbledhur sot në seancë e radhës plenare në Kuvendin e Shqipërisë. Kuvendi ka miratuar me 110 vota pro, 1 kundër dhe 0 abstenim marrëveshjen me Greqinë për qendër të përbashkët policore dhe doganore. 

Pas dy vitesh pa shtëpi, për shkak të shembjes nga tërmeti tragjik i 26 nëntorit, 226 familje në Manzë të Durrësit do të futen javën e ardhshme në banesat e reja.

Gjykata Kushtetuese vendosi të enjten të shtyjë sërish seancën publike për çështjen me objekt shqyrtimi, vendimin e Kuvendit për shkarkimin e Presidentit të Republikës, Ilir Meta. Shtyrja erdhi pas kërkesës së përfaqësuesit të presidentit për 48 orë kohë, për të përgatitur përgjigjet për pyetjet që i drejtuan gjyqtarët dhe kërkuesit.

Teksa nesër prite të vendoset fati i tij në krye të presidencës, duket se Presidenti Ilir Meta ka gjetur ngushëllimin tek skuadra e tij e zemrës Celtic, i Skocisë. Kjo fitore e ‘vogël’ ka çuar Metën në ‘parajsë’.

Kristaq Kume tha se koalicioni LSI-Berisha nuk mund të regjistrohet pasi Komisioni i Rithemelimit nuk njihet nga KQZ. Edhe për anëtarin e këshillit kombëtar të PD, Përparim Çaça, ky koalicion është një provokim që më pas të nisin retorikën politike, pasi dihet që KQZ e ka të pamundur ligjërisht të pranojë një koalicion të tillë. Avokati Idajet Beqiri hodhi një tjetër hipotezë, ku sipas tij kjo kërkesë për koalicion është bërë në mënyrë të qëllimshme nga LSI e Berisha për të krijuar ngërç në KQZ.

Nga

Eliza Gjediku

Pas 3 vitesh i pezulluar, qeveria i rikthehet edhe një herë ndalimit të përdorimit të qeseve plastike. Prej 1 qershorit 2022 do të ndalohet prodhimi, përdorimi dhe importimi i qeseve plastike. Gjoba deri 1.5 mln lekë për bizneset, deri 100 mijë lekë për qytetarët.

Për 4 vakancat e hapura nga Autoriteti për Informimin mbi Dokumentet e Ish-Sigurimit të Shtetit kanë nisur dëgjesat në komisionin e Ligjeve. Albert Nikolla është kandidaturë e qeverisë, ndërsa Gentiana Sula që është në këtë institucion prej 5 vitesh ka shpallur vetëkandidimin. Socialistja Atemis Malo, dhe historiania Nevila Nika si dhe disa të tjerë janë ndër emrat që kërkojnë të jenë anëtarë.

Partia Socialiste në zgjedhjet e pjesshme vendore është e qartë që do t’i fitojë të gjashta Bashkitë, ndërsa nuk i trembet aspak kundërshtarëve opozitarë. Sekretari Organizativ i PS-së, Blendi Klosi tha në Report Tv se kundërshtarët e djathtë luftojnë mes tyre për vendin e dytë.

Nga Lushnja, përmes një aktiviteti në Pallatin e Kulturës që mban emrin e Vaçe Zelës, PS nisi fushatën elektorale, ku prezantoi kandidaten për kryebashkiake të Lushnjës, Eriselda Sefa. I pranishëm në këtë takim ishte drejtuesi politik i Partisë Socialiste për Qarkut e Fierit, Taulant Balla, i cili në fjalën e tij ceku edhe çështje të politikës.

Partia Demokratike shprehet se çdo votë në ‘Shtëpinë e Ilirit’ është votë për Edi Ramën, duke ironizuar logon që Berisha dhe Meta përdorën për koalicionin. Berisha dhe LSI kanë marrë copy-paste emrin dhe logon e qendrës së djathtë në Itali, e drejtuar nga Silvio Berlusconi, duke e quajtur 'Shtëpia e Lirisë'. Sakaq, PD deklaron se demokratët e kanë provuar njëherë në kurrizin e tyre në 2013 pazarin Rama-Meta.

95.950 qytetarë kanë plotësuar formularin e Këshillimit Kombëtar. Shifra është bërë me dije nga kryeministri Edi Rama përmes një postimi në ‘Facebook’.