Politikë

Basha foli për deklarata e Ramës i cili tha se kush ka punuar pas shpinës së qeverisë duhet të dalë para drejtësisë. Për Bashën këto janë deklarata të pabesueshëm pasi të gjitha aferat kryen në sy dhe me vendim të Ramës. Basha i bëri thirrje Ramës që të lejojë SPAK të hetojë dhe të mos u bëjë presion.

Në çelje të fushatës për zgjedhjet e pjesshme të 6 marsit, drejtuesi politik i Partisë Socialiste për Qarkun e Tiranës, Erion Veliaj, u kërkoi qytetarëve të  Rrogozhinës të mbështesin kandidatin socialist Edison Memolla, si mënyra për të vijuar punët dhe projektet e mira në qytet. Ai tha se sot në Rrogozhinë po bëhen punë me cilësi njësoj si në Tiranë.

Lulzim Basha u ka kërkuar ndjesë në emër të PD ish të përndjekurve për shkak të proceseve të papërmbushura ndaj tyre deri më tani që nga mungesa e gjetjes së eshtrave të familjarëve të tyre të vrarë gjatë komunizmit e deri tek mungesa e dëmshpërblimit. Teksa firmosi peticionin e dekomunistizimit, Basha tha se do të dërgojë këtë iniciativë ligjore në kuvend.

Ministrja e Jashtme Olta Xhaçka është takuar me homologët e saj të rajonit dhe Gjermanisë gjatë zhvillimit të Konferencës së Sigurisë në Mynih. Xhaçka është shprehur se është diskutuar mbi situatën në Ballkanin Perëndimor dhe rolin kyç që Gjermania ka në zhvillimin e rajonit.

Sipas PD, administratori i kompanisë së Inceneratorit të Fierit ka qenë punonjës dhe përfaqësues ligjor i Kompanisë “Hermes Communication”, në pronësi të Arben Ahmetaj edhe pse ai u mundua ta mohojë në komision.

BE-ja deri më tani ka hezituar që ndaj tyre të zbatojë masa sanksionuese, të ngjashme me ato të cilat kohëve të fundit është duke i zbatuar administrata amerikane. Por, kjo mund të ndryshojë në të ardhmen, sepse edhe në BE tashmë kanë nisur përgatitjet edhe për sanksione ndaj politikanëve, të cilët shihen si pengesë e reformave dhe rrezik për stabilitetin e vendeve dhe rajonit në përgjithësi.

Partia Socialiste ka hapur fushatën elektorale sot në Durrës, ku në një takim me gratë dhe vajzat atje është prezantuar kandidatja për kryebashkiake në zgjedhjet e 6 marsit, Emirjana Sako.

Sefa thekson se në këtë garë ka vënë në shërbim të Lushnjës ndershmërinë, përkushtimin dhe vullnetin për ta bërë qytetin më të mirë.

Ish-kryeministri teksa i bëri thirrje qytetarëve të votojnë për koalicionin ‘Shtëpia e Lirisë’ dhe të mos ngatërrohen me logon që ka konfiskuar e rrëmbyer Edi Rama, duke ju referuar PD-së. Berisha sulmoi kandidatin e PD për Durrësin, Luan Hakën, duke thënë se ai ka firmosur me qeverinë e Ramës për monopolin e shërbimeve të porteve, nga Saranda në Shëngjin.

Socialistët e nisën fushatën për 6 marsin nga qyteti i Lushnjës ku Taulant Balla prezantoi kandidaten Eriselda Sefa. Balla tha se përballë PS është modeli i përgjumur i Bashës dhe Berisha i masakrave të 1997-ës.

Nga

Arsen Rusta

Prokuroria e Përgjithshme ka nisur verifikimin për kandidatin e Partisë Demokratike për Rrogozhinën në garën e 6 marsit , Ferdinand Saraçi. Report Tv mëson ekskluzivisht se Saraçit do t’i merren gjurmët e gishtërinjve javën e ardhshme. Pritet që njësia e dekriminalizimit t’i dërgoj INTERPOL Romës letërporosi për Saraçin për informacion.

Kryedemokrati Lulzim Basha e ka nisur fushatën elektorale nga Skodra, historikisht një bastion i djathtë. Ai ka prezantuar kandidatin Xhemal Bushatin, e ndërsa nuk i kurseu thumbat për Sali Berishën.